गाेरखा – गण्डकी प्रदेश फुटबल संघको अध्यक्षमा लोकेन्द्र गुरुङ चयन भएका छन ।
गोरखामा सम्पन्न भेलाले लमजुङ जिल्ला फुटबल संघका अध्यक्ष लोकेन्द्र गुरुङलाई सर्वसम्मत रुपमा अध्यक्षमा चयन गरेको हो ।
गण्डकी प्रदेशका ८ जिल्लाका अध्यक्ष तथा प्रतिनिधी सहितको भेलाले प्रवक्ता सहित १८ सदस्यिय कार्यसमिती निर्विरोध चयन गरेको छ ।
चयन भएकाहरुमा वरिष्ठ उपाध्यक्षमा कास्की जिल्ला फुटबल संघका अध्यक्ष मिलन गुरुङ, उपाध्यक्षमा बागलुङका रामराज गुरुङ, नवलपुरका सेतबहादुर पुन र मनाङका निरज गुरुङ रहेका छन् । त्यस्तै गरी गोरखा फुटबल संघका अध्यक्ष दिपेन्द्र श्रेष्ठ महासचिबको चयन भएको छ ।
त्यस्तै तनहुँका ज्योती श्रेष्ठ, गोरखाका प्रेम बहादुर गुरुङ, कास्कीका प्रितम गुरुङ र स्याङजाका प्रकाश पगेनीलाई सहायक महासचिबमा चयन भएका छन् भने स्याङजा जिल्ला फुटबल संघका अध्यक्ष मुक्त राना कोषाध्यक्ष र कास्कीका नरबहादुर गुरुङ सह कोषाध्यक्षमा चयन भएका छन ।
कार्यसमितीको सदस्यहरुमा नवलपुरका दिलकुमारी घिमिरे, मनाङका वेदवहादुर गुरुङ, गोरखाका सुमन गुरुङ, कास्कीका हरि खडका र लमजुङका विनोद गुरुङ चयन भएका छन् । प्रदेश फुटबल संघको प्रवक्तामा कास्कीका रमेश कार्कीलाई चयन गरिएको छ ।
अघि अध्यक्ष रहेको धरमबहादुर लामिछानेको समितीले केन्द्रलाई प्रतिवेदन नवुझाए पछि समिती पुनःर्गठन गरेको हो ।
एन्फाका उपाध्यक्ष कृष्ण थापा प्रमुख अतिथी रहेको भेलामा उपाध्यक्ष शिक्षित पराजुली, महासचिब इन्द्रमान तुलाधर, सह–महासचिबद्वय प्रकाश पगेनी, विश्व पौडेल लगाएत केन्द्रिय सदस्यहरुको उपस्थिती रहेको थियो ।
पुनर्गठित कार्यसमितीको कार्यकाल ४ वर्षको हुने छ ।
