एजेन्सी – रियल मड्रिड स्पेनिस ला लिगा फुटबलको शीर्ष स्थानमा पुगेको छ ।
गएराति भएको खेलमा सेल्टा डी भिगोलाई दुई शुन्यले पराजित गर्दै रियल मड्रिड एथ्लेटिको मड्रिडलाई पछि पारी शीर्ष स्थानमा पुगेको हो ।
रियलका लागि लुकास भाज्क्वेज तथा मार्को एसेन्सिओले गोल गरेका हुन् ।
जितपछि शीर्ष स्थानको रियल मड्रिडको १७ खेलबाट ३६ अंक भएको छ । दोस्रो स्थानको एथ्लेटिको मड्रिडको १४ खेलबाट ३५ अंक छ ।
राति भएका अरु खेलमा भिल्लारियलले लेभान्टेलाई दुई–एक तथा रियल भालाडोलिडले गेटाफेलाई १-० ले पराजित गरेका छन ।
रियल बेटिस र सेभिल्लाले १-१ गोलको बराबरी खेलेका छन् ।
