एजेन्सी – म्यानचेस्टर सिटी लिग कप (इएफएल) फुटबलको सेमिफाइनलमा प्रवेश गरेको छ ।
मंगलबार राति भएको खेलमा आर्सनललाई ४–१ ले हराउँदै सिटी लिग कपको सेमिफाइनलमा पुगेको हो ।
आर्सलनकै मैदानमा भएको खेलमा साविक विजेता आर्सलनले फराकिलो अन्तरको हार व्यहोरेको हो । खेलको तेस्रो मिनेटमै गाब्रियल जिससको गोलबाट सिटीले खेलमा अग्रता बनाएको थियो ।
५४औँ मिनेटमा रियाद महरेज, ५९औँ मिनेटमा फिल फोडिन र ७३औँ मिनेटमा एमेरिक लापोर्तेले सिटीका लागि गोल गरे । आर्सनलका लागि ३१औँ मिनेटमा एलेक्सान्डर लाकाजेटीले १ गोल गरेका हुन् ।
यस्तै मंगलबार राति नै भएको खेलमा न्यूक्यासल युनाइटेडमाथि १–० को जित निकालेर ब्रेन्टफोर्ड पनि अन्तिम चारमा पुगेको छ ।
