काठमाण्डौं – अस्ट्रेलियाविरुद्धको पहिलो टेष्टको दोस्रो इनिङमा भारतले ३६ रन जोड्दा सबै विकेट गुमाएको छ । टेष्ट क्रिकेटमा भारतको यो ईतिहासमा नै खराब प्रदर्शन हो ।
घरेलु टोलीका जोश हाज्लेउडले ५ तथा पाट कुमिन्सले ४ विकेट लिएपछि भारत इनिङ ध्वस्त भएको थियो ।
पाहुना टोली भारतका कुनै पनि ब्याट्सम्यानले दोहोरो अंकमा रन बनाउन सकेनन् । टेष्ट क्रिकेटको एक इनिङमा भारतले बनाएको यो सबभन्दा थोरै रन हो ।
भारतका लागि ओपनर मयांक अग्रवालले सबभन्दा धेरै ९ रन बनाए । हनुमा विहारीले ८ रन बनाउँदा कप्तान विराट कोहली र ऋदिमन शाहले समान ४ रन बनाए । उमेशकुमार यादव ४ रनमा अविजित रहे । मोहम्मद शामी १ रनमा रिटायर्ट हर्ट भए ।
टस जितेर ब्याटिङ गरेको भारतले पहिलो इनिङमा २४४ रन बनाएको थियो । अस्ट्रेलियाले पहिलो इनिङमा १९१ रन बनाउँदा सबै विकेट गुमाएपछि भारतले ५३ रनको अग्रता लिएको थियो ।
