एजेन्सी – भनिन्छ पृथ्वी एक नाटक घर हो । मानिसले जन्मे देखी मृत्यु अघि सम्म अनेकन कुरा गर्न र सुन्न पाइन्छ । तर आफ्नै श्रीमानले नुहाउन पनि नमान्ने र दैनिक ब्रस पनि नगर्ने भए पछि भारतमा एक महिलाले श्रीमान संग सम्वन्क बिच्छेदको निवेदन दर्ता गराएकी छिन ।
यस्तै अचम्मको घटना भएको भारतको विहारमा स्थित वैशाली जिल्लामा । त्यहाँकी एक महिलाले आफ्ना पतिले ननुहाएको र ब्रस नगरेको कारण पतिसँग सम्बन्धविच्छेद मागेकी छन् ।
वैशालीमा बस्ने २० वर्षीया सोनी राम भन्ने महिलाले आफ्ना श्रीमान २३ वर्षीय मनिष राम हरेक दिन ब्रश नगर्ने तथा ननुहाउने गरेकै कारण सम्बन्धविच्छेद मागेकी हुन् ।
विहारको महिला आयोगमा उजुरी पुगेपछि आयोगले मनिष रामलाई आफ्नो बानी सुधार्नका लागि २ महिनाको समय दिएको छ । यदि २ महिनासम्म पनि मनिषले बानी नसुधारे आयोगले उनीविरुद्ध उचित कारबाही गर्ने चेतावनी समेत दिएको छ ।
आयोगकी अध्यक्ष दिलमणि मिश्रले सोनीले पतिबाट सम्बन्धविच्छेदको लागि अनुरोध गरेको बताएकी छिन् ।
उनीहरुको सन् २०१७ मा विवाह थियो । मनीष पलम्बरको काम गर्छन् । ननुहाएकाले पतिको शरीरबाट गन्ध आउने गरेको आरोप लगाउँदै उनले उजुरी दर्ता गरेकी थिइन् ।
सोनीले पतिसँग कुनै पनि सर्तमा आफू बस्न नचाहेको बताएकी छिन् ।
