एजेन्सी – रियल मड्रिड च्याम्पियन्स लिग फुटबलको नकआउट चरणमा प्रवेश गरेको छ ।
समूह बी अन्तर्गतको खेलमा बुधबार राति बोरुसिया मोन्चेनग्लाडवाचलाई २(० ले हराउँदै समूह विजेताका रुपमा रियल अन्तिम १६ मा पुगेको हो ।
रियलका लागि दुबै गोल करिम बेन्जिमाले दगरे । समूह डी मा एटलान्टा पनि आयाक्समाथि १–० को जित निकाल्दै अन्तिम १६ मा पुगेको छ । उसका लागि लुइस मुरिएलले निर्णायक गोल गरे ।
यही समूहमा लिभरपुल पनि मिट्जेल्यान्डसँग १–१ गोलको बराबरी खेल्दै नकआउट चरणमा पुगेको छ । लिभरपुलका मोहम्मद सलाह र मिट्जेल्यान्ड एलेक्जेन्डर स्कल्जले गोल गरे । बराबरीमा रोकिएको लिभरपुल १३ अंकसहित समूह विजेताका रुपमा अन्तिम १६ मा पुगेको हो ।
समूह सी अन्तर्गत भएको खेलमा मार्सेइलीलाई ३–० ले पराजित गरेको म्यानचेस्टर सिटी समूह विजेता बनेको छ । यस्तै ओलम्पिकासलाई २–० ले पराजित गरेको एफसी पोर्टो १३ अंकसहित दोस्रो स्थानमा रह्यो ।
बार्यन म्युनिखले च्याम्पियन्स लिग फुटबलमा अपराजित यात्रा कायम राखेको छ । गएराति यसले बार्यनले लोकोमोटिभ मस्कोलाई २–० ले पराजित गरेको हो । आरबी साल्जबर्गलाई २–० ले पराजित गरेको एथ्लेटिको मड्रिड ९ अंकसहित समूह उपविजेताका रुपमा अन्तिम १६ मा स्थान बनाउन सफल भएको छ ।
त्यस्तै पिएसजी पनि समूह एचको समूह विजेताका रुपमा अन्तिम १६ मा पुगेको छ । पिएसजीले स्थानबुल बासाक्सहिरलाई ५–१ ले पराजित गरेको हो ।
