उल्भ्सले इंग्लिस प्रिमियर लिगमा शुक्रबार राति क्रिस्टल प्यालेसलाई २–० ले हराएको छ र यससँगै टिम अंक तालिकाको तेस्रो स्थानमा उक्लेको छ । विजयी टिमका लागि रायन एइट–नुरी र ड्यानिएल पोडेन्सले गोल गरे ।
फ्रान्सेली यू–२१ खेलाडी एइट–नुरीले १८ औं मिनेटमा पहिलो गोल गरे । यो प्रिमियर लिग डेब्युमै उनको पहिलो गोल रह्यो र उनी फ्रान्सेली लिग वान क्लब एन्गर्सबाट एक वर्षको ऋणमा छन् ।
पोडेन्सले २७ औं मिनेटमा दोस्रो गोल थपे । उल्भ्सको सात खेलबाट १३ अंक छ र यो शीर्ष स्थानमा रहेका एभरटन र लिभरपुल बराबर नै हो । प्यालेस भने १० अंकमा नवौं स्थानमा रह्यो ।
