जारी इन्डियन प्रिमियर लिग (आईपीएल) अन्तर्गत आफ्नो १२औँ खेलमा किंस ११ पञ्जाबले कोलकाता नाइट राइडर्सलाई पराजित गरेको छ। सारजाह क्रिकेट रंगशालामा सोमबार राति भएको खेलमा पञ्जाब ८ विकेटले विजयी भएको हो।
टस जितेर पञ्जाबले कोलकातालाई ब्याटिङको निम्ता दिएको थियो। पहिलो ब्याटिङ गरेको उसले निर्धारित २० ओभरमा ९ विकेट गुमाएर १४९ रनको मध्यम स्कोर बनायो। १५० रनको लक्ष्य पछ्याएको पञ्जाबले १८.५ ओभरमै २ विकेट गुमाएर भेट्टायो।
पञ्जाबका लागि मन्दिप सिंहले ६६ रन बनाए। त्यस्तै क्रिस गेलले ५१ रन जोड्दा ओपनर तथा कप्तान केएल राहुलले २८ रन बनाए।
कोलकाताका लागि वरुण चक्रवर्ती र लकी फर्गुसनले १/१ विकेट लिए।
यसअघि ब्याटिङ गरेको कोलकाताका ओपनर शुवमान गिलले ५७ रन जोडे। त्यस्तै इयन मोर्गानले ४० र लकी फर्गुसनले २४ रन बनाउन बाहेक कुनै पनि ब्याटसमेनले दोहोरो अंकको स्कोर बनाउन सकेन्।
पञ्जाबका लागि मोहम्मद शामीले ३ विकेट लिए। त्यस्तै क्रिस जोर्डन र रवि बिश्नोइले समान २/२ विकेट हात पारे। यसैगरी ग्लेन म्याक्सवेल र मुरुगन आश्विनको नाममा पनि १/१ विकेट रह्यो।
जितसँगै पञ्जाब चौँथो स्थानमा पुगेको छ। समान खेल खेलेर समान अंक बटुलेको कोलकाता नेट रनरेटमा पछि पर्दै पाँचौँ स्थानमा रहेको छ।
