जाजरकोट – जाजरकोटमा हिजो भएको जीप दुरर्घटनामा परी बडाध्यक्ष सहित ६ जनाको मृत्यु भएको छ ।
जिल्लाको जुनीचाँदे गाउँपालिकामा बुधबार भएको जीप दुर्घटनामा परी वडाध्यक्ष सहित ६ जनाको मृत्यु भएको हो ।
सदरमुकाम खलंगाबाट जुनीचाँदेको परालेका लागि हिँडेको भे. १ ज ९३५ नम्बरको जीप जुनीचाँद १ औलखोलामा बुधबार दिउँसो दुर्घटना भएको थियो ।
दुरर्घटनामा परी मृत्यु हुनेमा जुनीचाँदे गाउँपालिका ११ का वडाध्यक्ष अमरबहादुर शाही, महेन्द्र माध्यामिक विद्यालय कोर्ताङका विद्यालय व्यवस्थापन समिति अध्यक्ष कृतिबहादुर शाही, प्राथमिक स्वास्थ्य केन्द्रका अहेबद्वय खेमराज शाही र कृष्णबहादुर शाही भएको पुष्टी भएको खलगा प्रहरीले जनाएको छ ।
यस्तै गरी मालिका बस्नेत र लालबहादुर बुढाको पनि दुर्घटनामा मृत्यु भएको छ । जीप सडकबाट खोलामा खसेको थियो । दुर्घटनामा घाइते भएका नरबहादुर बुढालाई उपचारका लागि सुर्खेत लगिएको छ ।
दुरर्घटनामा परी अझै १ बेपत्ता भएका छन् ।
