काठमाण्डौं – नोबल कोरोना भाइरस (कोभिड–१९)बाट आज नेपालमा थप १५५१ जनामा संक्रमण पुष्टी भएको छ ।
देशको विभिन्न प्रयोगशालामा गरिएको परिक्षणका क्रममा थप १५५१ जनामा संक्रमण पुष्टी भएको हो ।
स्वास्थ्य तथा जनसंख्या मन्त्रालयले आज गरेको नियमित पत्रकार सम्मेलनमा मन्त्रालयका प्रबत्ता डा.जागेश्वर गौतमका अनुसार देशभर बाट संकलित ११ हजार ४७ नमूनाको पीसीआर परीक्षण गर्दा ५०९ महिला र १०४२ पुरुषमा संक्रमण पुष्टी हुदा संक्रमितहरुको कुल संख्या ९० हजार ८१४ पुगेको छ ।
मंगलबार संक्रमणबाट थप ९ जनाको मृत्यु भएको छ। यो संगै नेपालमा कोरोनाबाट मृत्यु हुनेको संख्या ५६३ पुगेको छ।
