बिशेषत हाम्रो समाजमा छोरी अलि ठुली हुद थाले पछि आमाबावुको चिन्ता बढ्दै जान्छ । त्यो स्वभाविक पनि हो । हाम्रो समाज नै यस्तो छ कि छोरा सबै संस्कार दिएता पनि छोरीलाई कुनै पनि संस्कार सिकाईदैन ।
उनीहरुको लालनपालन, शिक्षा, संस्कार, परिवेस साथीभाइको संगत आदी इत्यादी कुराले छोेरीको उमेरसँगै अभिभावकलाई पिरोल्न थाल्छ।
हरेक अभिभावकको चाहाना हुन्छ आफ्ना छोराछोरी शिक्षित, सभ्य र अरु भन्दा फरक र बाआमाको नाम राखुन। अझै भन्ने हो भने हामी हाम्रो छोराछोरीले राम्रो काम गरेर आमाबावुको नाम राखोस भन्ने चाहान्छौ ।
के त्यसो भए हामीले हाम्रा छोराछोरीलाई उनीहरुले जान्नै पर्ने शिक्षा दिएका छौ त ? सामान्य पनि छोरा दिन भरी घर बाहिर रहदा आमाबावुको चिन्ता केही हुदैन तर जब छोरी केही समयको लागी घर बाहिर निस्कन्छीन आमाबावुको मुटुको धडक बढदै जाने गर्दछ ।
असल संस्कार दिन उनीहरुको मनोभावना परिवर्तन गरी असल सन्तान बनाउन अभिभावक, घरपरिवार, परिवेस र समाजको अहम भुमिका हुन्छ।
आफ्ना छोरोछोरीलाई कसरी असल बाटोका हिडाउने ? कसरी सहि गलत छुट्याउन सक्ने बनाउने ? यो सबै कुरा अभिभावक तथा घरपरिवारमा निर्भर गर्छ।
आज हामी यो अंकमा छोरीलाई आफ्नी आमाले नजिक रहेर सिकाउनु पर्ने केही महत्वपुर्ण कुरा गछौं ।
– साथी जस्तै व्यवहार गर्नुपर्ने
– हरेक कुराहरु सेयर गर्ने
– उसको भावनाको कदर गर्ने
– महिनावारीबारे खुलेर कुरा गर्ने
– जिम्मेवारी र कर्तव्यका बारेमा सिकाउने
– सहि र गलतको अन्तरले पार्ने असरका बारेमा बताउने
– मिहेनत र कमजोरी सुधार्न सहयोग गर्ने
– सहि व्यक्तिको संगत गर्ने
– यौन र प्रेमका बारेमा खुलेर कुरा गर्ने
– आफुलाई विश्वास गर्न सिकाउने
– हरेक कुरालाई सोचबिचार गरेपछि मात्रै निर्णय लिने बानी बसाल्न सकाउने
