गोरखा समाचारदाता
काठमाण्डौ – राष्ट्रिय मानव अधिकार आयोगले कोरोना संक्रमणका कारण ज्यान गुमाएकाहरुको शव व्यवस्थापनमा अवरोध नगर्न आग्रह गरेको छ ।
कास्कीमा २ पटक सम्म संक्रमितको शव व्यवस्थापनको क्रममा सुरक्षाकर्मी, स्थानीयवासीबीच झडप भएको प्रति ध्यानाकर्षण भएको बताउँदै आयोगले विज्ञप्ती मार्फत त्यस्तो आग्रह गरकोे हो ।
‘व्यक्तिको मृत्युपश्चात् आफ्नो धर्म, संस्कृति तथा परम्पराअनुसार अन्त्येष्टि गरिनुपर्ने अधिकारको राष्ट्रिय कानून र नेपाल पक्ष भएका अन्तर्राष्ट्रिय कानूनहरुले समेत प्रत्याभूति गरेको’ भन्दै आयोगले ‘शव व्यवस्थापन कार्यविधिको प्रभावकारी कार्यान्वयनमा स्थानीय निकायसँग समन्वय गर्दै अगाडि बढ्ने र त्यस्तो वातावरणको सिर्जना गर्न सरकारलाई समेत’ स्मरण गराएको छ ।
कोरोना संक्रमणबाट मृत्यु भएका स्याङ्जाका एक व्यक्तिको बिहीबार शव व्यवस्थापनमा पोखरामा स्थानीयवासीले अवरोध गर्दा प्रहरीले ८ राउण्ड हवाइफायर गर्नुपरेको थियो ।
