बलिउड अभिनेत्री दिशा पटानीले आफ्नो २८औं जन्मदिन मनाएकी छन्। अभिनेत्री दिशालाई जन्मदिनमा सयौंको बधाई आउनु ठूलो कुरा भएन। तर यस अवसरमा अभिनेता टाइगर श्राफको बधाई उनलाई विशेष रह्यो, जो उनका प्रेमी हुन्। टाइगरले उनको भिडियो सेयर गरेर विशेष बधाई दिए। भिडियोको पृष्ठभूमिमा अंग्रेजी गीत घन्किएको छ। दिशा बसेरै विभिन्न हाउभाउमा नृत्य गरेकी छन्।
टाइगरले उक्त भिडियोको क्याप्सनमा दिशा तीन वफल्स र तीन प्यान केक खाएर बल्ल त्यस्तो हाउभाउ देखाएको लेखेका छन्। यद्यपि उक्त हाउभाउमा कुनै मुस्कान छैन। टाइगरको सो बधाईमा दिशाले लेखेकी छन्, ‘तिमी, धन्यवाद सुपरस्टार।’ टाइगरकी बहिनीले पनि भिडियोमा कमेन्ट गर्दै ‘क्युटेस्ट’ लेखेकी छन्।
आइतबार मात्रै आत्महत्या गरेका सुशान्त सिंह राजपुत अभिनीत ‘एमएस धोनी : द अनटोल्ड स्टोरी’ फिल्मबाट दिशा पटानी पनि चर्चित भइन्। सलमान खानको साथ उनको आगामी फिल्म ‘राधेः योर मोस्ट वान्टेड भाइ’ रिलिजका लागि तयार छ।
