कोरोना कहरका कारण अहिले विश्व नै विषम परिस्थितिबाट गुज्रिरहेको छ। प्रायः सबै गतिविधि ठप्प छन्। त्यसमा पनि मनोरञ्जन उद्योग त शून्यजस्तै बनेको छ। फिल्म उद्योग नराम्रोसँग थला परेको छ।
यो अवस्थामा पनि केही कलाकारहरूले आफूलाई व्यस्त बनाउने प्रयास गरेका छन्। छोटा चलचित्र, म्युजिक भिडियो र सिरियलहरूमार्फत केही कलाकार र गायकगायिकाले आफ्नो उपस्थिति जनाएका छन्।
धेरैले आफ्ना सिर्जना पस्कने माध्यम युट्युबलाई बनाएका छन् भने केहीले अन्य सामाजिक सञ्जाल प्रयोग गरिरहेका छन्। सक्नेले म्युजिक भिडियो छायांकन गरेरै काम देखाइरहेका छन् भने नसक्लेले लिरिकल भडियो सार्वजनिक गरिरहेका छन्।
यही मेसोमा हास्य कलाकार उत्तम केसीले आफ्ना शब्द रहेको गीतको भिडियो सार्वजनिक गरेका छन्। यही गीतमार्फत गीतकारका रूपमा परिचय खोज्न लागेका उनले भिडियोमा धेरै कलाकार प्रयोग गरेका छन्।
‘नझुकुन् हाम्रा शिरहरू’ बोलको गीतमा सीडी विजय अधिकारी र मनीषा राईको स्वर, सीडी विजयको संगीत, राजु कार्कीको एरेन्ज रहेको छ।
जीवन शाहीको निर्देशन र छिरिङ लामाको कोरियोग्राफ रहेको गीतको भिडियोमा लय संग्रौला, मोहन निरौला, रवीन्द्र खडका, उत्तम केसी, लक्ष्मण बस्नेत, दमन रूपाखेती, चेतबहादुर ‘राजा’, गीता नेपाल, शुभेच्छा थापा, रामेश्वर बुर्लाकोटी, गोपाल ढकाल, उद्धवराज भट्टराई, नम्रता पौडेल, आशा भुसाललगायतका कलाकारको अभिनय छ।
ज्ञानकुमार कट्टेलको प्रोडक्सन, शाही राम पिक्चर्सको उत्पादन वितरण रहेको गीतको भिडियोमा जनक अधिकारीको छायांकन रहेको छ। वर्तमान अवस्थाले पिरोलिरहेको र देशभक्ति गीतमार्फत एउटा जागरण ल्याऊ भन्ने उद्देश्यले आफूले यो गीत श्र्रोता/दर्शकमाझ ल्याएको उत्तमले बताए।
‘जुनसुकै परिस्थितिमा पनि हाम्रा शिरहरू झुक्नुहुन्न, देशका लागि जस्तोसुकै परिस्थितिको पनि सामना गर्न तयार हुनुपर्छ भन्ने कुरा गीतमार्फत व्यक्त गर्न खोजेको हुँ’, उत्तमले भने। यसैगरी, गायक भूपु पाण्डे र हास्य टेलिशृंखला सक्की गोनीकी सिर्जना अर्थात् उषा उप्रेती लिएर छ जिन्दगी लिएर आएका छन्। गीतको शब्द संगीत र भिडियो बनेको विशेष प्रशंसा भएको छ।
