गोरखा समाचारदाता
गोरखा – कैलाली देखी गोरखा सदरमुकाममा ल्याईएका मजदुरको पिसिआर रिर्पोट नेगेटिभ आएको छ ।
संक्रमित जिल्लाबाट मजदुर ल्याईको भन्दै नागरिक स्तरबाट नै बिरोध भए पछि उनिहरुको स्वाब संकलन गरी पिसिआर गर्न राजधानी पठाईएको मा सबैको रिर्पोट नेगेटिभ आएको हो ।
सदरमुकाममा निर्माण भई रहेको जिल्ला प्रहरी कार्यालयको भवन बनाउन आएका सबैको पहिलो चरणको आरडिटी नेगेटिभ आएको भएता पनि छनौट बिधी अनुसार ४ जनाको स्वाब संकलन गरी पिसिआरको लागि राजधानी पठाईएकोमा आज (सनिबार) उनीहरुको रिर्पोट नेगेटिभ आएको जिल्ला प्रहरी कार्यालय गोरखाका प्रहरी उपरिक्षक ओमप्रसाद अधिकारीले बताए । मजदुरहरुलाई प्रस्थान बिन्दुमा नै स्वास्थ्य परिक्षण गराएर ल्याईएको कार्यालयले दावी समेत गरेको छ ।
बैशाख २३ गते बिहानै कैलालीबाट ल्याईएका मजदुरको बिषयमा कोरोना भाइरस (कोडिभ–१९) को रोकथाम, नियन्त्रण र ब्यवस्थापनका लागि गठिन गोरखा जिल्ला स्तरीय कमाण्ड पोष्टको बैठक कुरा उठे पछि तत्कालै ति मजदुरहरुको आरडिटी गर्ने र त्यस मध्ये ४ जना मजदुरको स्वाब निकालेर पिसिआर गर्ने सहमती भएको बैठकमा सहभागी मध्ये गोरखा नगरपालिकाका मेयर राजनराज पन्तले बताए ।
सबै मजदुरलाई अहिले कार्यालय भित्र बनेको अस्थायी टहरोमा राखिएको छ । उनीहरुलाई बाहिरी सम्र्पक नआउने, छुट्टै खाना पकाएर खानुपर्ने गरी कार्यालय भित्र बनेको छुट्टाछुट्टै टहरोमा राखिएको हो ।
अन्य मजदुरको पनि क्रमश.पिसिआर परिक्षणका लागि स्वाब लिने काम केही समय भित्रै हुने प्रहरी उपरिक्षक अधिकारीले जानकारी दिए ।
