गोरखा समाचारदाता
गोरखा – नव आगन्तुकलाई सेल्फ क्वारेन्टाईनमा राख्न स्थानिय निकायलाई निर्देशन दिईएको छ ।
विदेश तथा स्वदेशबाट आएका नव आगन्तुकलाई सेल्फ क्वारेन्टाईनमा राख्न जिल्ला प्रशासनले सबै स्थानिय तहलाई निर्देशन दिएको हो ।
कार्यालयले आजै एक सूचना जारी गर्दै जिल्लाको सबै तहलाई विश्वब्यापी महामारीको रुपमा फैलिरहेको कोरोना (कोडिभ–१९) बाट जिल्ला भित्र हुन सक्ने संम्भावित संक्रमणको उच्च जोखिमलाई मध्य नगर गर्दै जिल्ला भित्र भारत लगायत विदेशी मुलुकबाट आएका नव आगन्तुकहरुलाई आएकै दिन देखी सेल्फ क्वारेन्टाइनमा बस्ने ब्यवस्था मिलाउन र आवश्यता अनुसार उपचारको ब्यवस्था मिलाउनु भन्नै पत्राचार गरेको छ ।
कार्यालयले विदेशबाट आए पछि सेल्फ क्वारेन्टाइनमा बस्नुका साटो आएकै दिन देखी भोज भतेर गर्ने, साथीभाईहरुलाई भेटने र जथाभावी हिडडुल गर्ने गरेको भन्ने गुनासा प्राप्त भएको सबै स्थानिय तहलाई त्यस्ता नव आगन्तुकहरुलाई पहिचन गरी सेल्फ क्वारेन्टाईनमा राख्न र आवश्यक स्वास्थ्य उपचारको ब्यवस्था गर्न भनेको प्रमुख जिल्ला अधिकारी सुरेन्द्र पौडेलले बताए ।
केही समय यता जिल्ला भित्रीएका विदेशी तथा भारतबाट आएका नव आगन्तुकहरुले गाउँमा पुग्नासाथै भोज भतेर गर्ने र जथाभावी हिडडुल गर्न थाले पछि प्रशासनले उनीहरुलाई कडाई गर्न भनेको हो ।
