गोरखा समाचारदाता
गोरखा – नेपाल कम्यूनिष्ट पार्टी (नेकपा) गोरखाले आज देखी पार्टी सुदृढिकरण तथा जन सम्वन्ध बिस्तार कार्यक्रम सुरु गरेको छ ।
नेपाल कम्यूनिष्ट पार्टी गोरखाको आयोजनामा सदरमुकाममा रहेको पार्टी कार्यालयमा एक कार्यक्रम गरी पार्टी सुदृढिकरण तथा जन सम्वन्ध बिस्तारको अभियान सुरु गरेको जानकारी गराएको हो ।
पार्टी कार्यालयमा भएको कार्यक्रममा नेकपाका गण्डकी प्रदेश अध्यक्ष हितराज पाण्डेले दुई पार्टी बिच एकिकरण भए पछि तल्लो तह सम्म देखिएका समस्याको समाधान गर्ने गरी सबै वडा स्तरमा कार्यक्रम लैजान निर्देशन दिए ।
पूर्व निर्धारित कार्यक्रम अनुसार कार्यक्रम सुरुवात गर्नु पूर्व सदरमुकाममा सरसफाई कार्यक्रम राखिएको भएता पनि कोरोना भाईरसका कारण स्थगन गरी सदरमुकाममा पर्चा बाड्ने कार्यक्रम तय गरेको हो ।
जिल्ला संगठन कमिटी गोरखाका जिल्ला अध्यक्ष एवं भुमि ब्यवस्था, कृषि तथा सहकारी मन्त्रि लेखबहादुर थापाको अध्यक्षतामा भएको कार्यक्रममा सहभागिहरुलाई ५ समूहमा विभाजन गरी गोरखा सदरमुकाममा कोरोना भाईरसका बारेमा जानकारी दिने पर्चा वितरण गरीएको थियो ।
पर्चा बितरण कार्यक्रममा मन्त्रि देखी पूर्व साँसदहरुको समेत सहभागिता रहेको थियो ।
