गोरखा समाचारदाता
काठमाण्डौं – बोर्लाङ्ग सेवा समाजको बृहत भेला सम्पन्न भएको छ ।
बोर्लाङ्गको बिकासका लागि गोरखाबाट राजधानी आएर बसेका बोर्लाङ बासीहरुको भेला सम्पन्न भएको हो ।
साबिकको बोर्लाङ्ग गाविस हाल भिमसेन थापा गाँउपालिका वडा नम्बर ७ र ८ को बिकासका लागि राजधानीमा छलफल तथा अन्तरक्रिया कार्यक्रम गरिएको समाजका अध्यक्ष एकदेव अर्यालले बताए ।
ऐतिहासिक र भौगोलिक दृष्टिकोणले महत्वपूर्ण रहेपनि बिकास निर्माणका हिसावले गति लिन नसकेको बोर्लाङको बिकासका लागि युवा, बुद्धिजिबी र समाजसेवीहरु एकै स्वर र भावना हुनुपर्ने भेलामा सहभागीहरुले बताए। १३ बर्ष अघि स्थापना भएको बोर्लाङ्ग सेवा समाज मार्फत बोर्लाङको बिकासका लागि योजनाबद्ध ढंगले अघि बढ्ने भेलाले प्रतिबद्धता समेत जनाएको छ ।
भेलाले १५ सदस्सिय समिति समेत चयन गरेको छ । साबिकको बोर्लाङ्ग गाविसको हरेक वडाबाट कम्तिमा १/१ जना रहने गरि समिति गठन गरिएको आयोजकले जनाएको छ ।
गठित समितिमा राम प्रसाद पाण्डे, नवराज पाण्डे, बिनोद ढकाल, राजन पौडेल, भरत थापा, देवकी पाण्डे, लालिमा श्रेष्ठ, राजन ढकाल, आइत गुरुङ, हरि सिम्खडा, अर्जुन कुमाल, गणेश दुवाडी, सन्दिप रेग्मी, सन्जीव रेग्मी र शम्भु जङ थापा चयन भएका छन । समितिले ३ महिना भित्र अधिवेशन गर्ने गरि काम अघि बढाउने निर्णय समेत गरेको छ ।
\भेलाको उद्घाटन कार्यक्रममालाई भीमसेन थापा गाउँपालिका–७ का अध्यक्ष नारायण श्रेष्ठ, सरस्वती माध्यमिक बिधालय बोर्लाङ्गका भूतपूर्व प्रधानाध्यापक चित्र कुमार श्रेष्ठ, भीमसेन थापा गाउँपालिकाका प्रशासकिय अधिकृत कृष्णजङ्ग थापा, सरस्वती माध्यमिक बिधालयका प्रधानाध्यापक रामचन्द्र पौड्याल, पाटनदेवी माध्यमिक बिधालयका पूर्वप्रधानाध्यापक हरिदत्त खनाल लगायतले आ–आफ्नो धारणा रखेका थिए ।
