गोरखा समाचारदाता

पोखरा – पोखरा महानगरपालिका वडा नं ६ बैदामस्थित बगैँचा टोल विकास संस्थाले सदस्यहरुका लागि २ दिने अगरबत्ती धुप बनाउने तालिम दिएको छ ।

२ दिन सम्म सञ्चालीत भएको तालिममा ५० जना महिलाहरुको सहभागि भएका थिए । उनीहरुलाई सविना रानामगरले सिन्के धुप बनाउन सिकाएकी थिइन् ।

समापन समारोहमा वडाध्यक्ष जगतबहादुर पहारीले सीप सिकेर आय आर्जनका कार्यमा लाग्दै स्वरोजगार बन्न आग्रह गरे ।

कार्यक्रममा नेपाली काँग्रेसका वडा सभापति बलराम गिरी, समाजसेवी गणेशबहादुर ढकाल, वडा सदस्य राममाया विक, नागरिक समाजका विष्णुहरि अधिकारी,टोल विकास संस्थाका अध्यक्ष मीना ढकाल, सचिव रेणु लामिछाने, सल्लाहकार बासु बराल लगायले तालिमबाट सिकेका विषयहरुलाई आयआर्जनमा लगाउनुपर्नेमा जोड दिए ।

तालिममा सहभागिहरुले तालिममा सिकेको ज्ञान सीपलाई आम्दानी हुने क्रियाकलापमा लगाउने प्रतिवद्धता व्यक्त गरेका थिए ।

संस्थाले वार्षिक कार्यक्रम अन्तर्गत टोलमा सरसफाइ, स्थास्थ्य सचेतना कार्यक्रम, स्वास्थ्य शिविर लगायतका कार्यक्रम गर्दै आएको संस्थाका सदस्य चन्द्रकला पहारी (घिमिरे)ले जानकारी दिइन् ।

लेखकबाट थप:

• कांग्रेसका बरिष्ठ नेता श्रेष्ठको निधन
• सुन तोलामा ४३ सयले घट्याे
• साहित्य र चलचित्रका २ साधकलाई ‘दाहाल यज्ञनिधि पुरस्कार’
• असार मसान्तसम्म खपत भएको बिजुलीमा भ्याट नलाग्ने
• नेपाल राष्ट्र बैंकले मंगलबारकाे लागि निर्धारण गरेकाे विदेशी मुद्राको विनिमयदर