गोरखा समाचारदाता
बागलुङ – वागलुङमा भएको २ भिन्न घटनामा परी २ जनाले ज्यान गुमाएका छन ।
बागलुङ प्रहरीले दिएको जानकारी अनुसार पर्वत जिल्ला फलेबास नगरपालिका घर भई बागलुङ जैमिती नगरपालिका ८ खोलाखानीमा डेरा गरी बस्ने ५५ बर्षिय दुर्गाबहादुर राना र बागलुङ नगरपालिका ३ मा रहेको खाजा घरमा खाजा खाई शौचालय गएका ४७ बिर्षय रनबहादुर कार्कीको ज्यान गएको हो ।
राना जैमिनी नगरपालिका ८ को मडकुवामा रहेको सडक किनाराको बारीमा मृत्त अवस्थामा फेला परेका थिए भने कार्की शौचालय गएको धेरै वेर सम्म पनि नआए पछि होटल धनीले प्रहरीलाई खबर गरे पछि वेहोश अवस्थामा बागलुङमा उपचार हुदा हुदै ज्यान गएको थियो ।
राना सरस्वती प्रार्थमिक बिद्यालयका शिक्षक भएको प्रहरीले जानकारी दिएको छ । राना माघ १७ गते पर्वतको घरबाट स्कुल तर्फ गएको र सम्र्पक बिहीन भएको परिवारलाई उद्वत गर्दै प्रहरीले जानकारी दिएको छ ।
यता कार्की भने लालिगुरास चोकमा रहेको खाजा घरमा खाजा खाई शौचालय गएको र उनी शौचालय भित्रै वेहोश भएका थिए । शौचालय गएको लामो समय सम्म पनि कार्की बाहिर ननिस्किए पछि होटल धनीले प्रहरीलाई खबर गरेका थिए । शौचालय भित्र वेहोश अवस्थामा रहेका कार्कीलाई बागलुङमा रहेको धवलागिरी अञ्चल अस्पतलमा उपचारमा सम्लंग्न चिकित्सकहरुले मृक्त घोषित गरेको बागलुङ प्रहरीले जानकारी दिएको छ ।
दुवै घटनाका बिषयमा प्रहरीले अनुसन्धान थालेको छ ।
