गोरखा समाचारदाता
गोरखा – पर्यटन प्रवद्र्वका लागि गोरखा नगरपालिकाले मनोजराज सिवाकोटी र मिना निरौलाको स्वरमा रेकर्ड भएको पहिलो प्रर्वद्वनात्मक गीत सार्वजनिक गरीएको छ ।
सिवाकोटी र निरौलाको स्वरमा हालै रेकडीङ भएको ‘हाम्रो सुन्दर गोरखा नगरी’ गीतका शब्द रचना भने पूर्व प्रहरी उपरिक्षक डा.राजुबावु श्रेष्ठले गरेका हुन । जिल्लाको धेरै जसो पर्यटकीय स्थलको परिचय दिने गरी निर्माण गरीएको गीतलाई सुनिल मास्केले संगीत भरेका हुन ।
संघिय राजधानी काठमाण्डौंको ए वान म्युजिसियनमा रेकर्ड भएको गीतलाई भिडियो निर्देशन भने युवराज वाईबाले गरेको गोरखा नगरपालिकाले जानकारी दिएको छ ।
गीतको शब्द रचना गर्ने तथा संगीत भने श्रेष्ठ र मास्के गोरखा निवासी हुन । श्रेष्ठको अहिले सम्मकै चर्चित ‘पानीको फोकाजस्तै फुट्यो हाम्रो मायाँ, चोट खादा खादा, मन मिल्ने मान्छे कतै’ जस्ता कयौन गीतहरु बजारमा उच्च स्थानमा छन । त्यस्तै गरी मास्केले संगीत भरेको ‘साँझ परयो, मैले खोजेको साईली तिमीलाई’ भन्ने गीतले पनि बजारमा ठुलै स्थान ओगटेको छ ।
गीतमा स्वर दिने सिवाकोटीले डा.राजुबावु कै ‘पानीको फोका जस्तै’ गीत र निरौलाले ‘लैजाउ घुमाउन मलाई ठमेल बजार’ गीत गायर आफुलाई अब्बल देखाई सकेका छन ।
पर्यटन वर्ष सन् २०२० को सुरुमा सार्वजनिक भएको गीतका माध्यमबाट गोरखाको ओझेलमा परेका पर्यटकीय गन्तव्यको प्रचारप्रसारमा सहयोग पुग्ने गोरखा नगरपालिकाका मेयर राजनराज पन्तको विश्वास रहेको छ ।
आउनुहोस हामी पनि गीत सुनौं
