गोरखा समाचारदाता
गोरखा – पृथ्वी जयन्तीको दिनमा गोरखाको ४ वटा स्थानिय तहले सार्वजानिक बिदा दिएको छ ।
राष्ट्रिय एकताका प्रतिक एवं नेपाल एकीकरणका अगुवा तत्कालीन राजा पृथ्वीनारायण शाह जन्मेको दिनको सम्झनामा जिल्लाका ४ स्थानिय तहले सार्वजनिक विदाको घोषणा गरेको हो ।
पौष २७ गतेलाई पृथ्वीजयन्ती भब्य रुपमा मनाउनका लागि गोरखा नगरपालिका, पालुङटार नगरपालिका, भीमसेन थापा गाउँपालिका र सिरानचोक गाउँपालिकाले सार्वजनिक बिदा घोषणा गरेका हुन् ।
सबै स्थानिय तहले कार्यपालिकाको बैठकबाट निर्णय गरेर उक्त दिन सार्वजनिक बिदाको घोषणा गरेको पालिकाले जानकारी दिएका छन् ।
सबै स्थानिय तहले विविध कार्यक्रमको आयोजना गरी २९७ औं पृथ्वीजयन्ती मनाउने तयारी समेत पुरा गरेको छ । गोरखा नगरपालिका बाहेक अन्य स्थानिय तहले भने पृथ्वीनारायण शाहको सम्मानमा सार्वजनिक बिदा गरीएको जानकारी दिएका छन ।
पृथ्वी जयन्तीकै दिनमा गोरखा नगरपालिकाले पौष २६ र २७ गते विभिन्न कार्यक्रमको आयोजना गरेको छ । कार्यक्रम अनुसार पौष २६ गते सनिबारका दिन बिहान ठुलो आँगन हुदै पदेली, बसपार्क, शक्तिचोक, कालिमाटी बजार देखी हरमटारी क्षेत्रमा सरसफाई कार्यक्रम सम्पन्न भएको गोरखा नगरपालिकाका प्रमुख प्रशासकिय अधिकृत कृण्णकुमारी श्रेष्ठले बताईन । सरसफाई अभियानमा नेपाल प्रहरी, शसत्र प्रहरी, नेपाली सेना, नगरपालिकाका कर्मचारीहरु र सर्व साधारणहरुको उपस्थिती रहेको थियो ।
त्यसका आजै दिउदो २६ गते नै गोरखा सरदमुकाममा ‘पृथ्वीनारायण शाह र एकीकरण सम्वन्धी प्रवचन कार्यक्रम राखिएको छ ।
२७ गते आईतबार भने पृथ्वीजयन्तीका दिन सदरमुकाममा रहेको खेलकुद मैदानबाट झाकी सहितको रयालीले बजार परिक्रममा गरी गोरखा संग्रालय भित्र रहेको पृथ्वीनारायण शाहको शालिक रहेको स्थानमा कोण सभा गर्ने कार्यक्रम तय गरेको छ ।
तात्कालिन राजा पृथ्वीनारायण शाहले बाईसे चौबिसे राज्यमा फैलिएको नेपाललाई एकिकरण गर्दै आएको नेपालको स्थापना गरेका थिए ।
तस्बिर सौजन्य ध्रुब घिमिरे, गोरखा नगरपालिका
