गोरखा समाचारदाता
गोरखा – नेपाली काँग्रेस गोरखाले आरुघाट क्षेत्रको मुआब्जा पुनरावलोकन गर्न माग गरेको छ ।
जिल्ला सचिव नन्दप्रसाद न्यौपानेले एक विज्ञप्ती जारी गर्दै प्रभावितको भावना विपरित मूल्य निर्धारण गरी सरकारले गम्भिर गल्ती गरेको बताएका छन् । ‘राज्यले निर्धारण गरेको मुआब्जा न्यायचित छैन, यसले त्यहाँका नागरिकलाई सुकुम्बासी बनाउँछ’ उनले भने ‘तत्काल यसको पुनरावलोकन गर्न काँग्रेस गोरखा जोडदार माग गर्दछ ।’
उक्त निर्णयले थोरै जग्गा हुने गरिब एवं निमुखा सर्वसाधरणलाई उठिबास गराउने काँग्रेसले ठहर गरेको छ । सो क्षेत्रमा भएको बिरोध प्रद्र्धशन प्रति पनि ऐक्यवद्धता जनाउँदै काँग्रेसले आफ्नो निर्णय तत्काल सच्याउन मुआब्जा निर्धारण समितिलाई आग्रह गरेको छ ।
‘राज्यले त नागरिकको सुरक्षा गर्नुपर्नेमा उल्टै उठिबास बनाउन खोजेको देखिन्छ’ उनले भने ‘आयोजना बनाउन प्रभावितले सरकारलाई सहयोग गरेपछि, सरकारले पनि नागरिकको हेरबिचार त गर्नुप¥यो नी ?’ शान्तीपूर्ण ढङ्गले आफ्ना माग राख्न पाउने नागरिकको अधिकार भएको भन्दै काँग्रेसले बिरोधका कार्यक्रमलाई भने मर्यादित रुपले सञ्चालन गर्न अनुरोध गरेको छ ।
सोमबार गोरखा र धादिङका मुआब्जा निर्धारण समितिले जग्गालाई बिभिन्न भागमा वर्गीकरण गरी आनाको ५० हजार देखि ७ लाखसम्म मुआब्जा दिने निर्णय गरेको थियो । उक्त निर्णय भएसँगै गोरखाको आरुघाट, आर्खेत र धादिङको खहरे र बिशालनगरमा प्रद्र्धशन सुरु भएको छ । त्यहाँका प्रभावितले व्यापार व्यवसाय, शिक्षण संस्था बैक तथा वित्तिय संस्था यातायात सबै ठप्प पारेका छन् ।
