गोरखा समाचारदाता
सुनसरी – कृष्ण दासलाई सोमबार प्रहरीले अस्पतालको आईसीयूबाटै नियन्त्रणमा लिएको छ ।
महिला अनुयायीलाई बलात्कार गरेको आरोपमा प्रहरीले उनलाई नियन्त्रणमा लिएको हो । आईतबार नै नियन्त्रणमा लिन खोजिएको भएता पनि उनी नाटकीय ढंगले आईसीयूमा भर्ना भएका थिए ।
सोमबार बिहान ५ बजे सुनसरी जिल्ला प्रहरी कार्यालयका प्रहरी नायव उपरीक्षक विनोद शर्माको टोलीले दासलाई पक्राउ गरेको सुनसरी प्रहरीले जानकारी दिएको छ ।
पक्राउ परेका दासलाई एम्बुलेन्समा राखेर अहिले जिल्ला प्रहरी कार्यालय, सुनसरी पुरयाइएको छ ।
चतराधाममा सिद्धबाबाको रुपमा बस्दै आएका इटहरी–२० का कृष्ण दासले कात्तिक ४ गते बलात्कार गरेको आरोप लागेको हो । महिलाले आफूलाई आश्रम भित्रै बलात्कार गरेको आरोप लगाएकी हुन ।
फोटो गुगल