गोरखा समाचारदाता
काठमाडौं – नेपाली बजारमा प्याजको भाउको आकासियको छ । केही दिन यता प्याजको भाउ नियन्त्रण भन्दा बहिर गए पछि प्रति किलो २५० रुपैयाँमा कारोबार हुन थालेको छ ।
राजधानीको कालिमाटी फलफूल तथा तरकारी विकास समितिले आज प्रति किलो प्याजको मूल्य नै २५० रुपैयाँ तोकेको हो ।
कालिमाटी फलफूल तथा तरकारी विकास समितिले प्याजको भाउ अहिले सम्मकै उच्च दरमा पुगेको जानकारी दिएको छ । स्वदेशी उत्पादनले नपुग्ने र भारतबाट आयात रोकिदा प्याजको भाउ आकासियको हो ।
केही साता यता देखी प्याजको भाउ प्रति दिन १० रुपैयाँका दरले थोक मुल्यमा बृद्वि हुदै गएको समेत समितिले जानकारी दिएको छ ।
अहिले प्याजको आयात दैनिक १० टनको हाराहारी छ । अरु बेला भने दैनिक ८० देखि ९० टनको हाराहारीमा प्याज आयात हुदै आएको थियो ।