गोरखा समाचारदाता
गोरखा – विभिन्न अपराधमा संलग्न रहेको भन्दै अदालतले दोषी ठहर गरेका ४८ जना फरार अपराधी पक्राउ परेका छन् ।
जिल्ला प्रहरी कार्यालय गोरखाले सञ्चालन गरेको फरार अपराधी खोजी अभियानमा साउन देखि हालसम्म ४८ जनालाई नियन्त्रणमा लिइएको डिएसपी मित्रबन्धु शर्माले जानकारी दिए ।
अदालतले दोषी ठहर गरेपनि कैद तथा जरिवाना भुक्तान नगरिकन लामो समयदेखि फरार उनीहरुलाई अदालतमा उपस्थित गराइएको प्रहरीले बताएको छ । पक्राउ पर्नेमा कर्तव्य ज्यान, जवरजस्ती करणी, करणी उद्योग, लागुऔषध, चोरी, बहुविवाह, ठगी, किर्तेलगायत एक दर्जन बढी अपराधिक घटनामा संलग्नहरु रहेको प्रहरीले बताएको छ ।
प्रहरीले धमाधम पक्राउ गरेर अदालतमा बुझाउन थालेपछि पुराना मुद्धा फैसला भइसकेर जरिवाना तिर्नुपर्ने तथा कैद भुक्तान गर्नुपर्ने कतिपय फरार प्रतिवादी आफै अदालतमा उपस्थित हुन थालेको प्रहरीले जनाइएको छ ।