गोरखा समाचारदाता

गोरखा – स्थानीय तहहरुले एक अर्कामा समन्वय गरेर काम गर्नुपर्ने एक कार्यक्रमका सहभागीहरुले बताएका छन् ।

गोरखाका स्थानीय तहको वार्षिक समिक्षा कार्यक्रम बोल्दै संघ तथा प्रदेशमा प्रतिनिधित्व गर्ने सांसदहरुले एक अर्कासँग समन्वय गरेर जनताको आवश्यकता चाहना अनुसार साझा काम अगाडी बढाउन सके जिल्लाले छिटो फड्को मार्ने बताएका हुन् ।

जिल्ला समन्वय समितिका प्रमुख अशोककुमार गुरुङको अध्यक्षता तथा क्षेत्र नम्बर २ का सांसद पूर्व प्रधानमन्त्री डा बाबुराम भट्टराईको प्रमुख आतिथ्यतामा भएको कार्यक्रममा राष्ट्रिय सभाका प्रमुख प्रतिपक्षी दलका नेता सुरेन्द्रराज पाण्डे, प्रदेश सभा सदस्य प्रकासचन्द्र दवाडी, लगायतले मन्तव्य राखेका थिए ।

कार्यक्रममा चुमनुब्री गाउँपाकिला बाहेक जिल्लाका १० वटा स्थानीय तहले हालसम्म भए गरेका कामको प्रगती र काम गर्न भएका कठिनाइँ बारे सरोकारवालाहरुलाई जानकारी गराएका थिए ।

यसैगरी भेटेनरी अस्पताल तथा पशु सेवा विज्ञ केन्द्र, कुन्दुरटार सिचाइ आयोजना र नेपाल टेलिकम गोरखा शाखा, जिल्लामा क्रियाशिल संघसस्थाहरुको एकमुस्ट रुपमा गैरसरकारी संस्था महासंघले प्रस्तुतिकरण गरेको जिल्ला समन्वय समितिका दिपक गुरुङले जानकारी दिए ।

लेखकबाट थप:

• लकडाउन नियम उलंघन गरेपछि सेल्टिक र एबरडीनबीचको खेल स्थगित
• पारिवारीक बनमा ठकुरी
• नेपालमै बन्छ विश्वका ७० देशलाई चाहिने आँखाको लेन्स
• सबै वडामा स्वास्थ्य चौकी बनाउने योजना
• टेष्ट वरियतामा कोहली शिर्ष स्थानमा उग्लिए