गोरखा समाचारदाता
गोरखा – बर्तमान मन्त्रीमण्डल हेरफेर गरेको भन्दै डा.बावुराम भट्टराईले असन्तुष्टी जनाएको छ ।
गृह जिल्ला गोरखा आएका डा.भट्टराईले जिल्लाका सञ्चारकर्मीहरु संग कुरा गर्दै बिना सरसल्लाह मन्त्रिपरिषद् हेरफेर गरिको भन्दै असन्तुष्टी ब्यक्त गरेको हो ।
पूर्वप्रधानमन्त्री तथा समाजवादी पार्टीका संघीय परिषद्का अध्यक्ष समेत रहेका डा.भट्टराईले प्रधानमन्त्री केपी ओलीको कार्यशैलीमा स्वच्छाचारी र निरंकुश प्रवृत्ति हावी हुदै गएको आरोप लगाए। मन्त्री मण्डल फेरवदको बिषयमा हाम्रो पार्टीका उपप्रधानमन्त्रीसँग पनि सल्लाह नगरी एकपक्षीय ढंगले भएको निर्णय लोकतन्त्रको मान्यता विपरीत भएको समेत बताए ।
आफ्नो पार्टी संविधान संशोधनको सर्तमा मात्र सरकार सहभागी भएको तर प्रधानमन्त्रीले आज सम्म पनि चासै नदिएको उनको आरोप छ। अब अन्तिम पटक वार्ता हुन्छ । हाम्रो माग सम्बोधन नहुने भए सरकारबाट बाहिरिने उनले चेतावनी दिए।