गोरखा समाचारदाता

गोरखा – गोरखामा पहिलो पटक नगरबस सञ्चालनमा आएको छ ।

पृथ्वीराजमार्ग बस सञ्चालक कम्पनीले गोरखा नगरपालिकाको अनुमतीमा बिहीबार देखी नगर क्षेत्रका ११ रुटमा एकै पटक बस सञ्चालनमा ल्याएको हो ।

नगरबासीको सुबिधाका लागि पृथ्वीराजमार्ग बस सञ्चालक कम्पनी संग सम्झौता गरी नगरबस सेवा सुरु गरेको गोरखा नगरपालिकाले जानकारी दिएको छ ।

नगरक्षेत्र भित्र रहेको १४ वटा वडालाई समेटने गरी बस सञ्चालनमा ल्याएको कम्पनीका गोरखा संयोजक प्रेमबहादु बोगटीले बताए ।

ञ्चालनमा आएको सबै बसले वडा कार्यालयबाट नगरपालिकासम्म आउने/जाने सेवाग्राही र कर्मचारीलाई सजिलो होस् भन्ने उद्वेश्यका साथ सञ्चालनमा ल्याइएको हो ।

घलाङ नारेश्वर हुँदै गोरखा नगरपालिका कार्यालय, छोपथोकबाट नगरपालिका कार्यालय, नगरपालिकाबाट फिनाम ताप्ले छापथोक, छेवेटारबाट नगरपालिका कार्यालय, गोरखकाली दरबार सतिपिल पस्लाङ रोटेपानी हुँदै नगरपालिका कार्यालय घुम्ती सेवा, देउरालीबाट नगरपालिका कार्यालय र पिपलथोक पन्थेस्वाँरा रानीवन हुँदै नगरपालिका कार्यालय घुम्ती सेवा गरी रुट निर्धारण गरिएको छ ।

यसैगरी मान्द्रेढुङ्गा गोरखा क्याम्पस खिरेपानी हुँदै नगरपालिका कार्यालय खुम्ती सेवा, ढुङ्गागाडे आहाले कट्टेलडाँडा हुँदै नगरपालिका कार्यालय, गोरखा बजार परिक्रमा घुम्ती सेवा, नगरपालिकाबाट बसपार्क नारेश्वर मेलबिसौना डेरागाउँ फिनाम हुँदै नगरपालिका घुम्ती सेवा गरी विभिन्न ११ रुटमा गाडी सञ्चालन गर्न लागिएको हो ।

गोरखा सदरमुकाममा नगरबस सञ्चालन नहुँदा नगरबासीलाई समस्या भएको थियो । बिहीबार नै नगरपालिका हाताभित्र एक कार्यक्रम गरी नगरबस चालकलाई सम्मान गरीएको थियो । नगरबसको गोरखा नगरपालिकाका मेयर राजनराज पन्तले रिबन काटेर उदघाट्न गरेको थियो ।

कार्यक्रम लगत्तै सबै वडाका वडाध्यक्षहरु नगरबस चढेर वडाकार्यालय पुगेको कार्यालयले जानकारी दिएको छ । नगरबस सञ्चालनका लागि पहिलो १ महिनाको लागि कम्पनीले प्रति बस दैनिक १० लिटर डिजल निशुल्क उपलब्ध गराएको छ ।

लेखकबाट थप:

• लकडाउन नियम उलंघन गरेपछि सेल्टिक र एबरडीनबीचको खेल स्थगित
• पारिवारीक बनमा ठकुरी
• नेपालमै बन्छ विश्वका ७० देशलाई चाहिने आँखाको लेन्स
• सबै वडामा स्वास्थ्य चौकी बनाउने योजना
• टेष्ट वरियतामा कोहली शिर्ष स्थानमा उग्लिए