गोरखा समाचारदाता
काठमाडौं – राष्ट्रिय सभाको विधायन व्यवस्थापन समिति अन्तर्गगतको उपसमितिले मिडिया काउन्सिल सम्बन्धी विधेयकका विवाद समाधानका लागि ११ वटा प्रश्न तयार पारेको छ ।
सरोकारवाला पक्षसँग छलफल गरी सुझाव संकलन गर्नका लागि उपसमितिले ११ प्रश्न तयार गरेको हो ।
उपसमितिले १५ दिनको समय पाएको छ ।
के हुन ११ प्रश्न ?
१) विधेयकको प्रस्तावनामा सुधार गनुपर्ने भए के हुन सक्छ ?
२) नेपाल मिडिया काउन्सिललाई स्वायत्त बनाउन थप सुझाव के हुन सक्छ ?
३) पत्रकारिताका पेशागत मर्यादा कायम राख्न ऐनमै उल्लेख गर्नेगरी ब्यवस्थित गर्नुपर्ने आचारसंहितामा के कस्त कुरा समेट्नुपर्ला ? र आचारसंहिताको अनुगमनमा काउन्सिलको प्रभावकारिता कायम गर्न के व्यवस्था गर्नुपर्ला ?
४) नेपाल मिडिया काउन्सिलको गठन प्रक्रिया र संरचनाबारे केही सुझाव छ कि ?
५) नेपाल मिडिया काउन्सिलको काम कर्तव्य अधिकारबारे केही सुझाव छ कि ?
६) पदाधिकारीको नियुक्ति योग्यता पदावधि, पदमुक्तिको आधारहरुबारे केही सुझाव छ कि ?
७) उजुरी दर्ता जाँचबुझ र दण्ड व्यवस्थाबारे थप कही सुझाव छ कि ?
८) पत्रकारिताको योग्यता परीक्षण र परीक्षा प्रणालीसम्बन्धी व्यवस्था कस्तो हुँदा उपयुक्त होला ?
९) नेपाल मिडिया काउन्सिलमा विषयगत समितिको व्यवस्थाबारे केही थप आवश्यक भए सो उल्लेख गर्नुहुन अनुरोछ ।
१०) नेपाल मिडिया काउनिसलको सरकारसँगको समन्वयात्मक व्यवस्था कस्तो बनाउदा राम्रो होला ?
११) विधेयक सम्बन्धी केही थप सुझाव छ कि ?
यी प्रश्नहरुलाई आधार बनाएर उपसमितिले विवादित विषयमा समाधान खोज्ने छन । तयार प्रश्नहरु पत्रकार र अन्य सरोकारवालासँग छलफलमा लगेर सुझाव संकलनका लागि उपसमितिले तीन वटा टोली समेत बनाएर खटाइसकेको छ ।