गोरखा समाचारदाता
काठमाण्डौं – आज भएको खेलमा नेपाल बङ्गलादेशबाट ८ विकेटले पराजित भए पछि खेलबाट बाहिरीएको छ ।
बङ्गलादेश विरुद्धको खेलमा नेपालले निराशाजनक प्रदर्शन गरेर हार बेहोरेसँगै प्रतियोगिताको लिग चरणबाटै बाहिरिएको हो ।
बङ्गलादेश भने ३ मा जित हात पारेर ६ अङ्कसहित सेमीफाइनलमा पुगेको छ ।
समूह बी को अर्को खेलमा भारतले हङकङमाथि १२० रनको विशाल अन्तरले जित हात पारेको छ । जितसँगै भारतले पनि सेमीफाइनलमा प्रवेश गरेको छ । सेमीफाइनलमा बङ्गलादेशले अफगानिस्तानको र भारतले पाकिस्तानको सामना गर्ने छ ।
समूह ए बाट ओमान र श्रीलंका बाहिरिएको छ । पाकिस्तानले पनि ३ खेलमा जित हात पारेर समूह विजेता बन्दै सेमीफाइनलमा समूह बी को उपविजेता भारतसँगको भेट पक्का गरेको छ । अफगानिस्तानले भने ३ मध्ये २ खेलमा जित हात पारेर उपविजेतामा चित्त बुझाउदै समूह बी को विजेता बंगलादेश विरुद्धको भेट सुनिश्चित गरेको छ ।