गोरखा समाचारदाता
पोखरा – गण्डकी प्रदेश प्रहरी कार्यालय पोखरामा आज (आईतबार) उप निर्वाचनको शान्ति सुरक्षा बिषयमा अन्तरक्रिया तथा छलफल कार्यक्रम सम्पन्न भएको छ ।
आशन्न प्रतिनिधी सभा, प्रदेश सभा तथा स्थानिय तहको उप निर्वाचनको सुरक्षा ब्यस्थालाई कसरी ब्यवस्थित गर्ने भन्ने बिषयमा प्रहरी प्रदेश कार्यालयमा अन्तरक्रिया तथा छलफल कार्यक्रम आयोजना गरीएको हो ।
कार्यक्रममा गण्डकी प्रदेश प्रहरी प्रमुख नायब उमहानिरिक्षक बिनो शर्माले आशन्न निर्वाचनलाई शान्ति पूर्ण सम्पन्न गराउने र भय रहित तथा विश्वश्नीय बातावरणमा निर्वाचन सम्पन्न गराउन निर्देशन दिदै सरोकारवाला संग आवश्यक छलफलगरी बिशेष सुरक्षा योजना बनाएर उच्च सतर्कताका साथ कार्य सम्पादन गर्न समेत निर्देशन दिएका थिए ।
कार्यक्रममा प्रदेश कार्यालयका प्रवत्ता प्रहरी उपरिक्षक दिपक रेग्मीले गण्डकी प्रदेश मातहातमा हुने उप निर्वाचनका क्षेत्रहरु, उम्मेदवार, मतदाता, निर्वाचन सुरक्षा चुनौती, प्रहरी जनशक्ति परिचालन, मतदान केन्द्रको सुरक्षा योजना, आवश्यक श्रोत र साधनको ब्यवस्थापन, पूर्व तयारी, निर्वाचनको दिनमा सुरक्षा तयारी, निर्वाचन पश्चातको सुरक्षा योजना, मतपेटीका तथा मत पत्रको सुरक्षा लगायतका बिषयमा तयार पारीएको योजना सार्वजनिक गरेका थिए ।
उत्त कार्यक्रममा सहभागी अन्य प्रहरी अधिकृतहरुले समेत आफ्नो निर्वाचन क्षेत्रको सुरक्षा चुनौती र अवस्थाको बिषयमा कार्यक्रममा जानकारी गराएका थिए ।
कार्यक्रममा गण्डकी प्रदेश कार्यालय पोखराका प्रहरी बरिष्ठ उपरिक्षक राजेशकुमार लाल कर्ण, तालिम केन्द्रका समादेशक प्रहरी वरिष्ठ उपरिक्षक दिवेश लोहनी, शसत्र प्रहरी गणका प्रहरी उपरिक्षक राजेन्द्र विष्ट, ट्राफिक प्रहरी प्रमुख प्रहरी उपरिक्षक बिनोद घिमीरे , जिल्ला प्रहरी कार्यालय कास्कीका प्रहरी उपरिक्षक दानबहादुर कार्की समेतको उपस्थिती रहेको थियो ।