गोरखा समाचारदाता
गोरखा – गोरखाको बारपाकमा भएको सार्वजनिक सुनुवाई कार्यक्रममा सर्व साधारणहरुले विकास निर्माणले गति लिन नसकेको भन्दै गुनासै गुनासा गरेका छन ।
बारपाकको मनि डाडाँमा गरीएको सार्वजानिक सुनुवाई कार्यक्रममा स्थानियहरुले खानेपानी, सडक, निर्माण सामाग्रीहरुका साथै सुरक्षा ब्यवस्था र पालिकाबाट पाउने सेवा र सुविधाको विषयमा गुनासो गरेको हो ।
जिल्ला प्रशासन कार्यालय, जिल्ला प्रहरी कार्यालय, बारपाक सुलिकोट गाउँपालिका, राष्ट्रिय पुनःनिर्माण प्राधिकरण जिल्ला आयोजना कार्यान्वयन ईकाइ (भवन) र ११ किलो–छेवेछार–भालुस्वाराँ–बारपाक सडक योजनाले गरेको संयुत्त सार्वजानिक सुनुवाई कार्यक्रममा बारपाक सडकको कुरा उठाईएको थियो । ‘काम गरेको छैन भनु गर्छ । त्यो पनि चैत्र बैशाख लागे पछि । अनि बर्षा आउछ सबै भत्काउछ । जस्ताको तस्तै’ नेपाली काँग्रेस गाउँपार्टी सभापति मनबहादुर घले बताए । घलेले गाउँपालिकाले विपक्षी दल संग समन्वय नगरी बजेट विनियोजन गरेको बिषयमा समेत आपत्ती जनाउदै सहमती र सहकार्य बिना विकास संमभ्व नभएको समेत बताए ।
अर्का एक स्थायिनले ‘दुई बर्ष भित्रै पिच गरीदिन्छु भनेर प्रधानमन्त्रि हेलिकप्टर चढेर जानु भयोतर ४ बर्ष विति सक्दा सम्म पनि पिचको काम त के पिचको लागि आवश्यक तयारी समेत नगरेको’ भन्दै ‘बारपाक बाट नेतृत्व गरेर गोरखा बजार बस्ने नेताहरुको पनि यसमा कमजोरी रहेको’ बताए ।
सार्वजानिक सुनुवाई कार्यक्रममा बोल्ने प्राय स्थानियहरुले बर्षा लागे पछि बारपाकीले पाउने दुःखको अनुभवन गर्न प्रशासनलाई आग्रह गरेका थिए । ‘पानीको मुहानमा लगेर भूकम्प स्मृती पार्क निर्माण गरीएको छ । भोली त्यो पानीको मुहान सुक्यो भने बारपाकीले कहाँबाट पानी ल्याएर खाने हो’ अर्का स्थायिन बारपाक बासीको गुनासो रहेको थियो । सिंगो बारपाक बासीलाई पुग्ने पानीको मुहान स्मृती पार्क निर्माण स्थल भित्र पर्छ । भूकम्प गएको बर्ष पानीको मुल केही सुेकेको भएता पनि पछिल्लो बर्ष सोही स्थानबाट पानीको बहाव वढदै गएको एक स्थानियले बताए ।
सार्वजानिक सुनुवाइ गाउँपालिका प्रमुख विण्णु भट्टको सभापतित्वमा भएको थियो । कार्यक्रममा उठेको प्रश्नहरुको प्रमुख जिल्ला अधिकारी देवेन्द्र लामिछाने, प्रहरी उपरिक्षक ओमप्रसाद शर्मा, जिल्ला आयोजना कार्यान्वयन ईकाइ (भवन) की प्रमुख सुनिता श्रेष्ठ, ११ किलो–भालुस्वाराँ–बारपाक सडक आयोजनाका ईन्जिनियर राजेश यादव र गाउँपालिका प्रमुख विण्णु भट्टले जवाफ दिएका थिए ।
