गोरखा समाचारदाता
काठमाण्डौं – प्रधानमन्त्री केपी शर्मा ओलीले भारतीय प्रधानमन्त्रिलाई कालापानी क्षेत्रबाट तत्कालै सेना फिर्ता गर्न आग्रह गरेको छ ।
भारतले हालसालै जारी गरेको राजनीतिक नक्साबारे प्रधानमन्त्री ओलीले सार्वजनिक मञ्चबाट पहिलो पटक बोल्दै एक इन्च नेपाली भूमि पनि मिच्न नदिने भन्दै कालापानी क्षेत्रबाट आफ्नो सेना फिर्ता लैजान भारतलाई आग्रह गरेको हो।
पछिल्ला दिनहरुमा विपक्षी दलका नेताहरुले प्रधानमन्त्री मौन बसेको भन्दै सार्वजनिक कार्यक्रममा बिरोध गर्न थाले पछि प्रधानमन्त्रि ओलीले आज राजधानीमाको एक कार्यक्रममा सार्वजनिक रुपमा यस्तो अभिब्यत्ती दिएका हुन ।
नेपाल कम्युनिस्ट पार्टी (नेकपा) सवद्ध युवा संघ नेपालको बैठकमा बोल्दै प्रधानमन्त्री ओलीले यो सरकार कसैलाई पनि हाम्रो जमिनको एक इन्च पनि जमिन मिच्न दिने छैन । छिमेकी देशले हाम्रो भूमिबाट आफ्ना सेना फिर्ता लैजाओस् भनेका थिए ।
प्रधानमन्त्रि ओलाीले कूटनीतिक सम्वादबाट समस्या समाधान गर्ने भन्दै कसैलाई पनि उत्श्रृंखल गतिविधि नगर्न समेत आग्रह गरे ।
केही दिन अगाडी संसदको राज्य व्यवस्था समितिले नै लिम्पियाधुरालाई समेटेर नयाँ नक्सा जारी गर्न सरकारलाई निर्देशन दिएको बारे असन्तुष्टी ब्यक्त गर्दै ‘कतिपयले नयाँ नक्सा छाप्न सुझाव दिएको’ भन्दै उनले भने, ‘नक्सा सच्याउनुभन्दा अगाडि अतिक्रमित भूमि फिर्ता लिन चाहन्छौं ।’
