गोरखा समाचारदाता
गोरखा – गोरखाको शहिद लखन र गण्डकी गाउँपालिकाकाले आज (आईतबार) सार्वजनिक बिदा दिएको छ ।
गाउँपालिकाकाल गुठी पञ्चमी पर्वको अवसरमा पालिका भित्रका सबै सरकारी निकायलाई सार्वजनिक बिदा दिने निर्णय गरेको हो ।
प्रसिद्ध धार्मिक तिर्थ स्थल मनकामना मन्दिरमा गुठी पञ्चमी पर्वमा हुने विशेष पूजालाई लक्षित गर्दै सार्वजनिक बिदा दिइएको गाउँपालिकाको प्रशासन शाखाका कर्मचारी लालप्रसाद भट्टराइले जानकारी दिए । सोही पालिका संग साधा जोडिएको गण्डकी गाउँपालिकाले पनि पालिका भित्रका विद्यालय, गाउँपालिका, वडा र सरकारी कार्यालय वन्द गरेको छ ।
परम्परादेखि गुठी पन्चमीमा मनकामनामा विशेष पूजा हुने गरेकाले सोही दिन पालिका भित्र सार्वजनिक बिदाको निर्णय गरेको हो । गाउँपालिका भरीका सबैलाई सहभागीता हुन सजिलो होस् भनेर बिदा दिएको गाउँपालिकाले जनाएको छ ।
तत्कालीन राजा पृथ्वीनारायण शाहले मनकामना गुठी स्थापना गरेपछि सो पर्व सुरु भएको किबदन्ती पाईन्छ । पन्चमीका दिन मन्दिरमा तान्त्रीक विधिपूर्वक पूजा हुने प्रचलन छ, भने आसपासका स्थानीयले फूलको डोलि सहिति माताको नाममा पञ्च बलि समेत दिने प्रचलन रही आएको छ ।