गोरखा समाचारदाता
गोरखा – मनकामना केवलकारले यात्रुलाई लक्षित गर्दै टिकटमा उपहार योजना लागु गरेको छ । केबलकारले वार्षिकोत्सबका अवसरमा उपहार योजना ल्याएको हो।
एक महिनाको लागि मात्र ल्याईएको उपहार योजनामा यात्रुहरुले टिभी र मोबाईल उपहार पाउने छन । ग्राहकलाई लक्षित गरी ल्याईएको यो योजना केबलकारको पहिलो उपहार योजना हो ।
मनकामना दर्शन प्रालिका नायव महाप्रवन्ध डिएन कास्थका अनुसार २ जना यात्रुले ४३ र ३२ ईन्चको स्मार्ट टिभी पाउने छन भने १ जनाले मोबाईल उपहार पाउने छ । आउदो मंसिर ८ गते पर्ने २१ औं बार्षिक उत्सवको अवशरमा यात्रुलाई उत्त उपहार प्रदान गरीने कम्पनीले जनाएको छ ।
कात्र्तिक ७ गते देखि मंसिर ७ गतेसम्म सामान्य टिकट काट्ने यात्रुले मात्र यो उपहार योजनामा भाग लिन पाउने छन । मंसिर ८ गते वार्षिकोत्सवका अवसरमा लक्की ड्रमार्फत विजेता घोषणा गरिने कम्पनीले जनाएको छ।
यो योजनामा चितवन कोईका कर्मचारी, विदेशी नागरिक, स्थानीय वासिन्दाका साथै बालबालिकाको टिकटमा भने लागु हुने छैन । केबलकारको २ दशकको यो अवधिमा १ करोड ४० लाख ९७ हजार ९५४ जना यात्रुहरुले केबलकारको यात्रा गरी सकेको छ ।
