सम्माननिय प्रधानमन्त्री ज्यू,
सर्वप्रथम त म यहाँको शिघ्र स्वास्थ्य लाभको कामना गर्दछु ! अरुले जस्तो आफ्नो उमेरको १०/१५ बर्ष छुट्टाएर त मैले दिन सक्दिन । तर पनि यहाँको उपचारको क्रममा आवश्यक परेमा मेरो तर्फबाट एउटा मृगौला दिन भने तयार छु । तर कुनै सर्त बिना वा सित्तैमा भने पक्कै होइन । यस्को बदलामा आम नेपाली जनताले अपेक्षा गरेको तपाईं जस्तो दुई तिहाइ बहुमत प्राप्त सरकारको बहुत शक्तिशाली प्रधानमन्त्री भएको समयमा देशबाट भ्रष्टाचारको जरो उखेल्न भने पक्कै पनि असम्भव नहोला र मलाई पनि खासै असम्भव छ जस्तो लाग्दैन ।
किनकि अहिले तपाई कै शक्ति छ र जहाँ तपाईं कै शक्तिको कदर हुन्छ । जुन स्टाईलमा सञ्चारकर्मी रवि लामिछानेलाई प्रहरीले प्रकाउ गरेको थियो त्यस्तै स्टाईलमा भ्रष्टाचार, कालोबजारी गर्ने तमाम राजनीतिको खोल ओढेका भ्रष्ट नायक नायिकाहरुलाई प्रकाउ गर्नु पर्यो र बिकास र समृद्धिको नारा मात्र होइन कामलाई पनि बिशेष महत्त्वपूर्ण हिसाबले अगि बढाउनु पर्यो ।
देशमा अब हिजो अस्ति जस्तो पटक पटक निर्वाचन जितेर गएका सांसद, मन्त्रीहरुबाट भएका, आम नेपाली जनताले पाएका क्रमिक बिकासले तपाईंको समृद्ध नेपाल र खुसि नेपालीको नारा पुर्ण रुपमा साकार हुन सक्दैन । जसकारण अब हामीलाई छिमेकी मुलुक चिन , संयुक्त राज्य अमेरिका, बेलायतको जस्तो क्रान्तिकारी बिकास चाहिएको छ ।
जुन आम नेपाली जनता र देशले माग गरिरहेको छ र तपाईंको सरकारबाट पक्कै पनि सम्भव छ । जहाँ तपाईं र तपाईंका आसेपासे जतिपनि भ्रष्टाचारमा संलग्न छन् तिनिहरुलाई कडाभन्दा कडा कारबाही हुनु पर्यो र ति फेरि पनि भ्रष्टाचारमा संलग्न भएनन् भने तपाईंको पोस्टरमा छापिएको समृद्ध नेपाल र खुसि नेपाली तपाईंकै पालामा सम्भव छ ।
हामी र हाम्रै पालामा सम्भव छ र नेपाल पनि एक सिंगापुर बन्नेछ र तपाईं जस्ता राष्ट्रको उच्च ओहोदामा रहेका ब्यक्तिहरु उपचार गराउन भन्दै महिनैपिच्छे करोडौं करोड सम्पत्ति राज्यकोषबाट स्वाहा पार्दै फेरि पनि उपचार गराउन भन्दै सिंगापुर गईराख्नु पर्ने थिएन र अन्य कुनै पनि राष्ट्र जानुपर्ने बेतिथि हुने थिएन । ति कर्णा्लिको दुर्गम जिल्ला जुन हुम्ला , जुम्ला र जाजरकोटका जनताहरु जहाँ उपचारको नाममा सिटामोल समेत खान नपाएर आफ्नो अमुल्य जिबन अकालमा नै यमराजलाई दान गर्नु पर्ने अबस्था सायदै आउने थिएन होला ?
सारा जनताले सस्तो र गुणस्तरीय उपचार आफ्नै देशमा पाउने थिए र कसैको अमुल्य ज्यान जाने थिएन र म जस्ता जोश र जागरले भरिएका कलिला युवाहरु र देशको निम्ति केही गरौं , आफ्नो अमुल्य जिबन देशकै निम्ति योगदान गरौं भन्ने लाखौंलाख युवाहरु महिनैपिच्छे, बर्ष्पिच्छे पासपोर्ट बनाएर Embassy धाउदै आफ्नो सुनिश्चित उज्ज्वल भविष्य कोर्नको निम्ति भन्दै आफ्नो प्राण भन्दा प्यारो देश र ती बुढेसकालले छोएका आमा बाबुको आखा भरि आशु हेर्दै नरुनु बा, नरुनु आमा भन्दै आफ्नो आखाभरि टिलपिल आशु लिएर पराईको देशमा आफ्नो अमुल्य श्रम व्यथित गर्नु पर्ने अवस्था आउने थिएन होला ?
देशले यो दुर्ग्ति खेपि राख्नु पर्ने थिएन होला सायदै !! त्यसैले अब देशमा द्रुत गतिमा फैलिदै गरेको HIV Aids जस्तो भ्रष्टाचार अन्त्य गरौं । भोलि नभनि आज । यस्ले र उस्ले नभनि आफैबाट र म बदलिए मेरो परिवार बदलिने छ । मेरो जस्तो परिवार सबैको बदलिए समाज बदलिने छ । मेरो समाज जस्तो सबै समाज बदलियो भने मेरो प्राण भन्दा प्यारो देश बदलिने छ । भ्रष्टाचारको जालो लागेको मेरो देशले मुहार फेर्ने छ ।
जसकारण मेरो प्रकृतिको सौर्न्दर्यले भरिपुर्ण देश नेपालको नाम जप्दै भिजिट गर्न भन्दै बिदेशबाट लाखौंलाख पर्यटक महिनैपिच्छे मेरो देश भिजिट गर्न आउनेछन् । गोर्खालीले चिनाएको मेरो देश फेरि संसार भर एउटा नमुना देशको रुपमा चर्चित हुनेछ । त्यसैले अब बिकास र समृद्धिको निम्ति भित्ता भित्तामा । बिजुलीको पोल पोलमा मसिबाट कोरिएको पोस्टर टालेर होइन । तपाईंहरु जस्ता उच्च पदमा रहेका ब्यक्तिहरु भ्रष्टाचारमा आफै प्रोत्साहित भएर होइन । भ्रष्टाचारको जरो उखेल्ने अभियानमा लागौं ।
आम जनता र छुट्टाछुट्टै पार्टीमा संम्लग्न रहेका कार्यकर्ताहरु एक आपसमा बिरोध प्रतिरोध सिर्जना गरेर होइन । आफु पार्टीको होइन सिङ्गो नेपालको राष्ट्रिय झन्डा मुनि रहेको र आफुले राष्ट्रको निम्ति हानि नोक्सानी पुग्ने कुनै पनि अनैतिक कार्य गर्न हुदैन । जसकारण मेरो देशलाई धक्का पुग्नेछ भन्ने सन्देश ग्रहण गर्दै साच्चिकै आफु बदलिएर देश विकासको निम्ति हातेमालो गरौं , देश अवश्य बदलिनेछ !!
मनिष पुडासैनी
भिमसेन थापा गाउँपालिका गोरखा
