गोरखा समाचारदाता
गोरखा – मानव बेचबिखन विरुद्व गोरखाका सरोकारवालाहरु एक जुट भएका छन ।
जिल्ला प्रहरी कार्यालय गोरखामा आईतबार भएको एक कार्यक्रममा सरोकारवालाहरुले मानव बेचबिखन विरुद्व सबै एक जुट भएर अगाडी वढन र प्रभावकारी कार्यक्रमहरु ल्याउन आग्रह समेत गरेका थिए ।
मानव बेखबिखन विरुद्व १३ औ राष्ट्रिय दिवशको अवशरमा सरोकारवाला निकायलाई प्रशिक्षण तथा अन्तरक्रिया कार्यक्रममा सहभागिहरुले विगतको तुलनामा अहिले मानब वेचविखन आधुनिक हुदै गएकोमा चिन्ता ब्यत्त गर्दै आगामी दिनमा प्रभावकारी कार्यक्रम लागु गर्न भनेका हुन ।
मानव बेखबिखन विरुद्व १३ औ राष्ट्रिय दिवशलाई साता ब्यापी रुपमा मनाउने क्रममा भएको प्रशिक्षण तथा अन्तरक्रिया कार्यक्रममा स्कुल तथा कलेज स्तरका छात्रा छात्रहरुलाई प्रशिक्षण गराउनु पर्ने बिषयमा समेत छलफल गरीएको थियो ।
सहभागी सबैले आजको युग सञ्चारको युग भएका कारण सञ्चार क्षेत्र संग समन्वय गरी अगाडी बढेको खण्डमा कार्यक्रम प्रभावकारी हुने समेत सुझाव दिएका थिए ।
सनिबार देखी शुरु भएको साता ब्यापी कार्यक्रम अन्तरर्गत सनिबार गोरखा बजार देखी आँबुखैरेनी पुल सम्मको क्षेत्रमा चेतना मुलक सन्देश भएका ब्यानर राखिएको थियो ।
कार्यक्रममा जिल्ला समन्वय समितिका प्रमुख असोककुमार गुरुङ्ग, जिल्ला प्रहरी कार्यालय गोरखाका प्रहरी उपरिक्षक ओमप्रसाद अधिकारी, जेष्ठ नागरिक संघका जिल्ला अध्यक्ष मोहनलाल श्रेष्ठ, मानव अधिकार सञ्जाल गोरखाका अध्यक्ष यदु अधिकारी तथा जिल्लाका क्रियाशिल पत्रकार, होटल ब्यवसायी र यातायाता कम्पनीका पदाधिकारीहरुको उपस्थिती रहेको थियो ।