मोहसिन अलि मिया
गोरखा – आर्थिक कारोवारमा संलग्न हुने संस्था र व्यक्तिमाथि थप पारदर्शिताको नीति सरकारले अख्तियार गरेपछि गोरखामा पान नम्बर लिने सेवाग्राहीको संख्या ह्वात्तै बढेको छ ।
गोरखा उद्योग बाणिज्य संघ गोरखाले गत साउन महिनाभर सदरमुकाममा संचालन गरेको डोरमुकाममा १ सय ७० जनाले ब्यवसायिक प्रयोजनका लागि स्थायी लेखा (पान) नम्बर लिएका छन् ।
आन्तरिक राजश्व कार्यालय दमौली मार्फत साउन महिनाको ७ गतेदेखि ३२ गतेसम्म संघले छहरे स्थित कार्यालयबाट सेवा दिएको थियो । साउनयता पान नम्बर बिना सप्प्लायर्सहरुले खुद्रा ब्यवसायीहरुलाई सामान नै पठाउन छोडेका थिए ।
त्यस्तै संघले संचालन गरेको डोरमुकाममा १ हजार २ सय भन्दा बढीले सेवा लिएका छन् । न
याँ पान, आयकर, अन्तरशुल्क गरी १ हजार २ सय ७८ जनाले डोरमुकामबाट सेवा लिएको संघका अध्यक्ष जीवनज्योती श्रेष्ठले बताए । ‘अघिल्लो बर्षहरुको डोरमुकाममा पान लिनेको संख्या अत्यन्त कम थियो, यो बर्ष ह्वात्तै बढेको छ’ श्रेष्ठले भने ‘झण्डै तेह्र सयले यो बर्षको डोरमुकामबाट सेवा लिनुभएको छ ।’
जसमा ७० जनाले रक्सी, चुरोट लगायतको अग्रीम कर सेवा, १ हजार ३८ ले आयकर सेवा र १ सय ७० ले नयाँ पान लिएको उनको भनाई छ । पान लिनका लागि स्थानीय पालिका वा घरेलु तथा साना उद्योग विकास समितिमा दर्ता भएको प्रमाणपत्र अनिवार्य हुन्छ ।
संघमा डोरमुकाम बाहेक पनि बर्षैभर पान लिने सुविधा गरेको संघका कार्यालय सचिव दिपेन्द्र श्रेष्ठले बताए ।