गोरखा समाचारदाता
गोरखा – राष्ट्रिय लोक तथा दोहोरी गीत प्रतिष्ठान नेपाल भरतपोखरी इकाई समितिद्वारा आयोजित खुल्ला तीज गीत प्रतियोगितामा तल्लो गगनगौडा आमा समूह प्रथम हुन सफल भएको छ ।
प्रतियोगितामा आदर्श दिदी बहिनी समूह द्वितीय र तोरी चौर आमा समूहले तृतीय भएको छ ।
त्यस्तै अनुशासित आमा समूह र दिदी बहिनी आमा समूहले सान्त्वना स्थान प्राप्त गरेको छ । प्रतियोगितामा नृत्यमा भने राधा कृष्ण दिदी बहिनी समूहले उत्कृष्ट घोषित भएको छ ।
प्रतियोगितामा प्रथम हुने समूहलाई ११ हजार १ सय ११, द्वितीयहुने समूहलाई ७ हजार ७ सय ७७ रुपैयाँ, तृतीय र सान्त्वनालाई क्रमश. ५ हजार ५ सय ५५ रुपैयाँ र १ हजार ५ सय रुपैयाँ सहित प्रमाणपत्र प्रदान गरिएको थियो । त्यस्तै उत्कृष्ट नृत्यलाई समेत १ हजार १ सय ११ रुपैयाँ नगद पुरस्कार प्रदान गरीएको छ ।
