गोरखा समाचारदाता
गोरखा – कम्प्यूटर एशोसिएशन नेपाल महासंघ जिल्ला शाखा गोरखाको छैटौं जिल्ला सभा तथा तेस्रो अधिवेशन सम्पन्न भएको छ ।
अधिवेशनले नोखबहादुर बोगटी (अमृत)को नेतृत्वमा ११ सदस्यीय जिल्ला कार्य समिति निविरोध चयन गरेको छ ।
गोरखा सदरमुकाममा भएको अधिवेशनाले उपाध्यक्ष सुदिप कोइराला, सचिव बावुराम तिवारी, कोषाध्यक्ष भक्तराम रानामगर र सह सचिव सानुकाजी श्रेष्ठलाई सर्व सम्मत चयन गरेको थियो ।
त्यस्तै गरी अधिवेशनले सदस्यमा दिनेश श्रेष्ठ, रुबेन्द्र कुवर, दिपक पाण्डे, यमबहादुर बसेल, सुसरा रानामगर र पुर्णकुमारी प्रधान (शाही) चयन भएका थिए ।
गोरखा नगरपालिकाकी उप मेयर बिनाकुमारी श्रेष्ठको प्रमुख आतिथ्यतामा भएको अधिवेशनमा कम्प्यूटर एशोसिएशन नेपाल महासंघका केन्द्रिय सदस्य अशोक राना मगर, गण्डकी प्रदेशका अध्यक्ष चिन्तामणी बास्तोला, उपाध्यक्ष तुलसी पाण्डे, सह सचिव राजेन्द्र शर्मा, कास्कीका अध्यक्ष युवराज पौडेल र तनहुका अध्यक्ष ईन्द्र बहादुर थापा मगर, जिल्ला हुलाक कार्यालय गोरखाका प्रमुख गुरु दत्त पौडेल, गोरखा च्याम्बरका उपाध्यक्ष रुसबावु जोशी, गोरखा नगरपालिका वडा नम्बर ६ का वडाध्यक्ष नारायण प्रसाद अर्याल, क्यान गोरखाका भुपु अध्यक्ष शिशुबावु प्रधान र सल्लाहकार सुशिलबावु श्रेष्ठ र भिमलाल श्रेष्ठ समेतले मन्तब्य राखेका थिए ।
कार्यक्रममा संस्थापक सदस्यहरुलाई दोसल्लाह ओडाएर सम्मान समेत गरीएको यिथो । सनिबार भएको उदघाटन कार्यक्रमको अध्यक्षता प्रेमध्वज थापा मगरले गरेका थिए ।