गोरखा समाचारदाता
गोरखा – रोयल आर्कीनी हाउसको आयोजनामा मिस्टर एण्ड मिसेस इलाईट २०१९ हुने भएको छ । सनिबार पोखरामा पत्रकार सम्मेलन मार्फत संस्थाले उक्त जानकारी गराएको हो ।
आर्कीनी हाउसका प्रबन्ध निर्देशक किस्मत पौडेलका अनुसार १७ देखी २५ उमेर समूह भित्रका अबिवाहित महिला तथा पुरुषहरुले उक्त प्रतियोगीतामा भाग लिन सक्ने छन ।
पोखरा आफैमा धेरै सौन्दर्य प्रतियोगीता हुने ठाउँ हो भन्दै पौडेल थप्छन्–‘यो प्रतियोगीता अरु भन्दा फरक छ, सहभागीहरुले अहिले सम्म कै फरक प्रशिक्षणको अवसरहरु प्राप्त गर्ने छन्’ ।
पत्रकार सम्मेलनमा दिएको जानकारी अनुसार सहभागीहरुले क्षमता अभिबृद्धि, ब्यक्तिगत तथा सामाजिक बिकास, नाटक, अभिनय, नृत्य, भ्रमण तथा बिभिन्न शिर्षकमा शैद्धान्तिक तथा प्रयोगात्मक अभ्यास गराईने छ ।
बिजेताले रु ५० हजार नगद पुरस्कार, म्यूजिक भिडियो, मुस्ताङ भ्रमण, गिफ्ट ह्याम्पर साथै बिभिन्न शिर्षकमा पुरस्कार राखिएको आर्किनी हाउसकी कार्यकारी निर्देशक अपिल घिमिरेले जानकारी दिए ।
पहिलो सिजन तनहुँको दुलेगौडामा सम्पन्न गरेको यो कार्यक्रम दोस्रो सिजनमा पोखरामा गर्न लागिएको हो । बिभिन्न इभेन्टहरु सफलतापूर्वक सम्पन्न गरिसकेकी कोरियोग्राफर पुष्पा गुरुङले पोखरामा हुने अन्य सौन्दर्य प्रतियोगीता भन्दा यो मिस्टर एण्ड मिसेस इलाईट भिन्न र व्यवस्थित हुने दावी गरिन ।
गुरुङ्गले आफ्नो टीममा बिभिन्न बिधामा अनुभवी व्यक्तिहरु रहेकाले सहभागीहरुले क्षमता अभिबृद्धका साथै जीवनपयोगी धेरै सीप सिक्ने अवसर पाउने भएकाले पनि सहभागी हुन आग्रह गरिन ।
प्रतियोगीतालाई बिभिन्न चरण हुँदै फाईनलमा ८/८ जना सहभागी बनाईने र असोजको ११ गते एक कार्यक्रमका बीच बिजेता घोषणा गरिने छ । पहिलो चरणको अडिसन भाद्र १४ गते हुनेछ ।
