गोरखा समाचारदाता
गोरखा – मुस्लिम समुदायको दोश्रो ठूलो पर्व बकर इद धुमधामका साथ मनाईदै छ ।
जिल्लाका मुस्लिम बाहुल्यता रहेको गोरखा नगरपालिका, भिमसेन थापा गाउँपालिका, पालुङटार नगरपालिका, सिरानचोक गाउँपालिका लगायत जिल्लाका अधिकाशं मुस्लिम बस्तीहरुमा सोमबार बिहान देखी ईदको रौनक छ ।
आपसी सद्भाव र प्रेम साटासाट गर्ने पर्वको रुपमा पनि ईदलाई लिने गरिन्छ ।
३ दिन सम्म मनाइने इदमा शुभकामना आदानप्रदानका लागि आफन्तहरुको घरमा जाने चलन छ ।
बकर इदका अबसरमा गण्डकी प्रदेश सरकारले सार्वजानिक बिदा नदिए पनि गोरखा नगरपालिकाले भने नगरपालिका भित्र रहेको सबै स्कुललाई सार्वजनिक बिदा दिएको थियो ।
मुस्लिम समुदायको दोस्रो ठूलो चाड बकर ईदका अवसरमा इस्लाम धर्मालम्बीहरहरूले खसी वा भेँडाको बली दिने प्रचलन छ ।
इब्राहिमले सपनामा आफ्नो छोरा इस माइललाई ईश्वरको आदेशानुसार बली दिएकोले सो अनुसार छोरालाई बली दिन जङ्गलमा लिएर गएकोमा छोराले नमानेपछि आकासवाणी गरेर ईश्वरले छोराको सट्टा जनावरको बली दिनु भनेपछि जनावरको बली दिने चलन चलिआएको बताइन्छ ।
खसी वा भेंडाको बलीको ३ भाग लगाई १ भाग गरिबलाई, १ भाग पाहुनालाई र १ भाग आफ्नै परिवारका लागि छुट्याउने चलन छ ।
बकर ईदका दिन बिहान मुस्लिम समुदायहरूले स्नान गरी सफा लुगा लगाई इदगार वा मस्जिदमा गई सामुहिक नमाज पाठ गरी सकेपछि ईद मुवारक भन्दै एक आपसमा शुभकामना आदानप्रदान गर्ने चलन चली आएको छ । नमाज पढिसकेपछि घर–घरमा गएर बली दिने गरिन्छ । बकर इद ३ दिनसम्म मनाइन्छ ।
