गोरखा समाचारदाता
गाेरखा – नेपाल महिला संघले आफ्नो ७२ औं स्थापना दिवश मनाएको छ ।
नेपाली काँग्रेस निकट महिलाहरुको छाता संस्था महिला संघले जिल्लाभर विभिन्न कार्यक्रम गरी दिवश मनाएको हो ।
नेपाल महिला संघ, गोरखा नगरसमितिले पनि विभिन्न कार्यक्रम गरेको छ ।
संघकी नगर अध्यक्ष बिना कुमारी श्रेष्ठको अध्यक्षता तथा नेपाली काँग्रेसका जिल्ला उपाध्यक्ष सुकदेव दवाडीको प्रमुख आतिथ्यतामा भएको कार्यक्रममा उपाध्यक्ष धन कुमारी पुडासैनी, शिक्षक संघका जिल्ला अध्यक्ष लुमनाथ लामिछाने लगायतले मन्तव्य राखेका थिए ।
दिवशको अबसरमा बालमन्दिरको अनाथालयमा रहेका बालबालिकालाई पकाउने, चलाउने भाँडाकुँडाहरु प्रदान गरिएका छ ।
उनीहरुलाई प्रेसरकुकर, राइसकुकर, चिया खाने कप, पानी तताउने भाँडा लगायतका सामग्री प्रदान गरिएको नेपाल महिला संघ नगर कार्यसमिति गोरखाले जानकारी दिएको छ ।
