गोरखा समाचारदाता
गाेरखा – २५ औं विश्व आदिबासी दिवशमा गाेरखाका १० जना आदिबासी कमचारीहरू सम्मानीत भएका छन ।
दिवशको अबसरमा अधिकृत स्तरका १० जना कर्मचारीहरूलाइ आदिबासी जनजाती जिल्ला समन्वय परिषद् गाेरखाले सम्मान गरेकाे हाे ।
राष्ट्रको सेवा गरी आदिबासी जनजातीको प्रेरणा श्रोत बनेको भन्दै गोरखा नगरपालिकाका प्रमुख प्रशासकिय अधिकृत (उप-सचिव) कृष्णकुमारी श्रेष्ठ, बारपाक सुलिकोट गाउँपालिकाका प्रमुख प्रशासकिय अधिकृतहरु शिवबहादुर गुरुङ, चुमनुब्री गाउँपालिकाका भिमसेन श्रेष्ठ, गण्डकी गाउँपालिकाका राकेश गुरुङ र शहिद लखन गाउँपालिकाका जिवन आलेमगरलाइ सम्मान गरीएकाे थियाे ।
त्यस्तै गरी गोरखा नगरपालिकाका लेखा अधिकृत प्रकाश थापामगर, जिल्ला प्रशासन कार्यालयका प्रशासयिकय अधिकृत डिल्लीप्रसाद श्रेष्ठ, इन्जिनियरहरु सुनिता श्रेष्ठ, अजयकुमार श्रेष्ठ, अधिकृत विश्वबाबु श्रेष्ठलाई पनि सम्मान गरिएको थियाे ।
दिबसको अवसरमा मिस आदिबासी जनजाती विजेता धार्चेकी यलिजा गुरुङलाई पनि सम्मान गरिएको थियाे ।
आदिबासी जनजाती जिल्ला समन्वय परिषद्का अध्यक्ष विष्णु रानाको अध्यक्षतामा भएको कार्यक्रममा पूर्व केन्द्रिय महासचिव पर्शुराम तमाङ, गोरखा नगरपालिकाका प्रमुख राजनराज पन्त, दिनेश तमु, रामबाबु श्रेष्ठ, नानुमायाँ थापामगर लगायतले मन्तव्य राखेका थिए ।