गोरखा समाचारदाता
गाेरखा – एम्नेष्टी इन्टरनेशनल समुह ४२ को आगामी तिन बर्षे कार्यकालका लागि पुनः विमला वाग्ले चयन भएकी छिन् ।
संस्थाको शनिबार भएको पाँचौ अधिवेशनले वाग्लेको नेतृत्वमा ९ सदस्यिय कार्यसमिति चयन गरेको हो । जसको उपाध्यक्षमा भावना पोखरेल, सचिव सविना पोखरेल, कोषाध्यक्ष लक्ष्मी खत्री, सहसचिव संगिता लामिछाने निर्विरोध चयन भएका छन् । त्यस्तै सदस्यहरुमा मित्रा परियार, लक्ष्मी थापा मगर, सरिता अर्याल, सर्मिला वाग्ले सर्वसमत भए ।
महिलाहरु मात्रै रहेको समुह ४२ की अध्यक्ष वाग्लेको अध्यक्षतामा भएको कार्यक्रममा गोरखा नगरपालिकाका उपप्रमुख विना कुमारी श्रेष्ठको प्रमुख आतिथ्यता रहेको थियो ।
कार्यक्रममा एम्नेष्टी इन्टरनेशनलका केन्द्रिय सदस्य गोविन्द वाग्ले, मानवअधिकार तथा शान्ती समाजका उपाध्यक्ष सीताराम तिवारी, समुहकी संस्थापक अध्यक्ष मञ्जु अर्याल, काहुराष्ट्रका किशोर रेग्मी लगायतले मन्तब्य राखेका थिए । त्यस्तै अधिवेशनमा सचिवको प्रतिवेदन सविना पोखरेल, कोषाध्यक्षको प्रतिवेदन भावना पोखरेलले प्रस्तुत गरेका थिए ।
त्यस्तै एम्नेष्टी इन्टरनेशनल समुह ७६ को १८ औं साधारण सभा सम्पन्न भएको छ । समुहका अध्यक्ष रमेश अधिकारीको अध्यक्षतामा भएको साधारणसभामा संस्थाका केन्द्रिय सदस्य गोविन्द वाग्लेको प्रमुख आतिथ्यता रहेको थियो ।
कार्यक्रममा मानवअधिकार सञ्जालका संयोजक यदु अधिकारी, गोरखा क्याम्पसका सहायक प्रमुख कृष्ण प्यारा श्रेष्ठ, पूर्व अध्यक्ष रविन्द्र कडेंल, सदस्य भगवती कडेंल लगायतले बोलेको सचिव कमल लामिछानेले जानकारी दिए ।