गोरखा समाचारदाता
गोरखा – शिक्षा सेवी एवं समाजसेवी स्वर्गीय शम्भुबाबु मरहट्टालाई मरणोपरान्त सम्मान गरिएको छ ।
कालिका महिला बचत तथा ऋण सहकारी संस्था लि. छिपिटोल नयाँबजार गोरखाको २५ औं स्थापना दिवश एवं रजत महोत्सवको अबसरमा उनलाई सम्मान गरिएको हो ।
उक्त अवसरमा संस्थाको बिकास उन्नतीका लागि महत्वपूर्ण योगदान पुरयाएको भन्दै रामबाबु श्रेष्ठ, नारायणबाबु श्रेष्ठ, अर्जुनप्रसाद श्रेष्ठ र विष्णुप्रसाद श्रेष्ठलाई पनि कदर पत्र सहित सम्मान गरिएको छ ।
संस्थाले गोरक्षनाथ बैदिक गुरु कुल विद्यालयमा खाद्यन्न वितरण गरर्नुुका साथै संस्थाको कार्यक्षेत्र आसपासका सार्वजानिक स्थलहरु सरसफाई समेत गरेको थियो ।
संस्थाकी अध्यक्ष निर्मला श्रेष्ठको अध्यक्षता तथा वडा नम्बर ७ का वडाध्यक्ष विष्णुप्रसाद श्रेष्ठको प्रमुख आतिथ्यतामा भएको कार्यक्रममा उपाध्यक्ष देवका रिजाल, सदस्य राममायाँ श्रेष्ठ, छिपिटोल साँस्कृतिक परिवारका कोषाध्यक्ष सहदेवप्रसाद श्रेष्ठ, टोल बिकास संस्थाका अध्यक्ष ओमबहादुर श्रेष्ठ, सम्मानित व्यत्तित्व अर्जुनप्रसाद श्रेष्ठ, हिमचुली साकोसका अध्यक्ष रामबाबु श्रेष्ठ, सल्लाहकार तुलसा मरहट्टा लगायतले मन्तव्य राखेका थिए । उक्त अबसरमा अपाङ्गता भएकी महिला चेपा अक्षामीलाई नगद सहित खाद्यन्न सहयोग गरिएकोे थियो ।