कैलासबावु श्रेष्ठ
साउन ८ गते । नेपालकै पहिलो मनकामना केबलकारमा गत आवमा १२ लाख यात्रुले यात्रा गरेको छ । केबलकार चितवनको चेरेश देखी गोरखाको मनकामना मन्दिर सम्म चल्दछ ।
मनकामना दर्शन प्रालि द्वारा सञ्चालित केबलकारमा गएको आर्थिक बर्षमा मात्रै ११ लाख ६६ हजार यात्रुले यात्रा गरेको केबुकारका नायब महाप्रबन्धक डिएन कायस्थले बताए ।
केबलकार प्रशासनले दिएको जानकारी अनुसार गएको आर्थिक वर्षमा ९ लाख ३ हजार नेपाली, २ लाख ५५ हजार भारतीय र ७ हजार ५ सय अन्य विदेशी राष्ट्रका यात्रुहरुलेय केबलकार यात्रा गरका थिए ।
आर्थिक वर्ष ०७४/०७५ मा ९ लाख ८४ हजार ५ सय ८० जनाले यात्रा गरको केबलकारको आउदो आर्थिक वर्ष ०७६/०७७ मा भने १२ लाख भन्दा बढी यात्रुलाई यात्रा गराउने केबलकारको लक्ष्य रहेको छ ।
ऐतिहासिक, पर्यटकीय तथा पुरातात्वीक हिसाबले समेत महत्वपूर्ण मानिएको गोरखाको मनकामना मन्दिर जानको लागि मात्र निर्माण भएको केबलकारले आफ्ना यात्रुलाई विश्व स्तरीय सेवा दिदै आएको छ ।
मनकामना मन्दिर तात्कालीन राजा राम शाहका छोरा पृथ्वीपति शाहले निर्माण गरेको शाह बंशीय ईतिहासमा फेला पार्न सकिन्छ । त्यस अनुसार यो मन्दिर ३ सय ५० वर्ष भन्दा पुरानो हो । यही पुरानो मन्दिरलाई बिनाशकारी गोरखा भूकम्पले क्षेति पुरयाए पछि हालै मात्रै जिर्णोद्वार सकिएको र सर्व साधारणको लागि खुल्ला गरीएको कारण धेरै तिर्थ यात्रुहरुले केबलकारको यात्रा गरी मन्दिर जाने गर्दछन ।
मन्दिर जानको लागि १० वटा कच्ची सडक भएता पनि यात्रुको रोजाईमा केबलकार नै पर्दछ । ०५५ साल मंसिर ८ गते देखि संञ्चालनमा आएको केबल कारले नेपालीलाई ६ सय ४० रुपैया, भारतीयलाई ८ सय र विदेशीहरुलाई २० डलर लिएर यात्रा गराउदै आएको छ ।
केबलकारको ३१ वटा मात्र गोन्डोला रहेकोमा यात्रुको चाप बढे पछि भने गएको साउनमा ३ वटा गोन्डोला थपेर पर्यटन मन्त्रि रबिन्द्र अधिकारीले उदघाटन गरे पछि ३४ गोन्डोला र २ वटा सामान बोक्ने डिब्वाबाट सेवा दिदै आएको छ ।
