गोरखा समाचारदाता
साउन १ गते । मुल्य समायोजनको बिषयमा अल्झीएको नेपालको ईन्टरनेट सेवा आज (बुधबार) देखी १३ प्रतिशत बृद्वि हुने भएको छ ।
इन्टरनेट सेवा प्रदायकले साउन १ गतेदेखि इन्टरनेटको मूल्य बढाउने निर्णय समेत गरेका छन् ।
सरकारले आर्थिक वर्ष २०७५÷०७६ को बजेटमा इन्टरनेटको प्रयोगमा १३ प्रतिशत दूरसञ्चार सेवा शुल्क लागू गर्ने निर्णय गरेपछि गत वर्ष नै इन्टरनेटको मूल्य बढाउने सेवा प्रदायकले घोषणा गरेका थिए ।
यद्यपि इन्टरनेट जडान गर्दा राउटर लगायतका उपकरणको बिक्रीमा छुट्टै बिलिङ गर्न सक्ने र सो शुल्कमा दूरसञ्चार सेवा शूल्क नलाग्ने सहमति पछि सेवा प्रदायकले इन्टरनेटको मूल्य नबढाउने निर्णय गरेको थियो ।
सरकारले पछिल्लो पटक जेठ ३० गते मन्त्रिपरिषद्को निर्णय सार्वजानिक गर्दै राउटर सहित इन्ट्ररनेट लिज लाइन, डाटा कनेक्टिभिटी र मर्मत शुल्कमा समेत लगाइँदै आएको दूरसञ्चार सेवा शुल्क छुट गर्ने निर्णय गरेको थियो । उक्त निर्णयलाई दूरसञ्चार नियमावली २०५४ को संशोधन गरेर उल्लेख गर्नुपर्ने सेवा प्रदायकको माग छ ।
