गोरखा समाचारदाता
असार २४ गते । जिल्ला सदरमुकाममा भएको एक कार्यक्रममा राज्यको सेवा र सुविधा गैर पिडितले भोग गरी रहेको भन्दै चिन्ता ब्यक्त गरीएको छ ।
मानव अधिकार एलाइन्स गोरखाको आयोजनामा सदरमुकाममा भएको ‘भूकम्प पछिको पुनःनिर्माण प्रक्रियाः बिद्यमान अवस्था र सवालहरु’ बिषय अन्तरक्रिया कार्यक्रममा सहभागिहरुले भूकम्प पछि पिडितहरुले भन्दा पनि गैर भूकम्प पिडितहरुले राज्यको सेवा र सुविधा लिन सफल भएको भन्दै चिन्ता ब्यक्त गरेका हुन ।
कार्यक्रममा सहभागीहरु अधिकाशंले जिल्ला बाहेक पनि ठुला ठुला शहरमा घर भएकाहरुले पहुचको आधारमा भूकम्प पिडितको नाममा झुठो विवरण पेश गरेर सेवा सुविधा लिएकोले त्यस्ता गैर पिडितलाई राज्य कारवाही गनुपर्नेमा जोड दिएका थिए ।
सरोकारवालाहरु संग भएको अन्रतक्रिया कार्यक्रममा भूकम्प पछि भनेका अधिकांश भवनहरु अपाङ्ग मैत्री नभएकोमा समेत गुनासो गरेका थिए । सरकारी वेवास्ताका कारण यस्तो भएको भन्दै सहभागिहरुले कढाईका साथ नियम लागु गर्न नसक्दा अपाङ्गहरु पिडित भएको आरोप लगाएका थिए ।
उत्त कार्यक्रममा इन्सेक जिल्ला प्रतिनिधी हरेराम उप्रेतीले भूकम्प पछिको पुनःनिर्माण प्रक्रियाः बिद्यमान अवस्था र सवालहरु बिषयक कार्यपत्र समेत प्रस्तुत गरेका थिए । कार्यपत्रमा उप्रतीले गोरखा भूकम्पको असर, पुनःनिर्माणको अवस्था, नागरिक समाजको भूमिका, पुनःनिर्माण प्रकृयामा देखिएका समस्या र समाधानका उपायहरु, पिडितको गुनासो र सुकुम्बासी समस्या समेत समेटीएको थियो । कार्यपत्रमा गोरखा अस्पताल र गोरखा दरर्बार, पुनःनिर्माणमा सामाजिक, साँस्कृति सवालहरु, सुझाव र निष्कर्ष समेत समावेश गरेका थिए ।
एलाइन्सका गोरखा अध्यक्ष ऋषी खनालको अध्यक्षतामा भएको कार्यक्रममा गोरखा नगरपालिका मेयर राजनराज पन्त, नेपाली काँग्रेसका सचिव नन्द प्रसाद…., मानव अधिकारबादी यदु अधिकारी, रमेश अधिकारी र केही संञ्चारकर्मीहरुले समेत आ–आफ्ना धारणा राखेका थिए ।